Vawiin chawhnu dar 1:30 pm khan Saiha District Bawrhsap Office Chamber-ah Pu N.Chakhai Additional D.C. Saiha District, Saiha kaihhruaina hnuaiah kumin 2013 a “Teacher’s Day” hman dan tur chungchang ngaihtuah in District Level Working Committee of National Foundation for Teacher’s Welfare Member ten meeting an nei.

He meeting hian Teacher’s Day vawi 52-na chu Saiha District-ah ropui taka hmang turin ruahmanna a siam a, School tin ten an mahni remchan dan theuhin Teacher’s Day pual hian programme siam se, Khuallian turte pawh Committee in ruatsak lovin an mahni duh mi insawm se, School awmna veng huam chhung a National/State Awardee te, Retired Teachers leh mi hmingtha bik (Prominent Citizen) te sawmin changtlung taka hmang turin School tin te an hriattir a. V.C. leh Tlawmngai Pawl te pawh an awmna veng chhung theuhva School Programme te hmanpui turin Committee chuan a ngen bawk.

Kumin Teacher’s Day puala Saiha District Fund Rise tura target tuk chu Rs 1,20,000/- a ni. He Fund hi Pen 10,000 @ Rs 10/- leh Key Chain 2000 @ Rs 10/- hralhna atanga tuak tur a ni. Vawiin meeting hian Fund Rise dan tur rel nghalin mawhphurhna pawh Department hrang hrang ah a semzai nghal bawk a ni.

52nd Teacher’s Day pual hian Saiha District Bawrhsap in Media kal tlangin “Public Address”-na a nei ang a, Local Cable T.V. ah mithiam thlanbik ten “Talk Show” an nei bawk ang.