Nimin khan Ngaizel, Kulikawn ah Home Minister Pu R. Lalzirliana ho in AH&Vety Department, Fisheries Department leh Fire and Emergency Services Department changtu minister te leh department hotu te leh Kulikawn Local Council hruaitu te Ngaizela Fire Station hmun tur a ruat chungchangah inhmukhawmin, a hmun an endik nghal.
Fire Station hmun tura a ruahman hi, Kulikawn Village Council hruaituten AH&Vety Department leh Fisheries Department te an lo pe tawh a, amaherawhchu he lai bial phei vel hian kumtin deuh thaw kangmei an tawrh thin avang te, mipui mamawhna a san em avang leh tuna fire station awmna chu an hlat deuh avangin he an ram pek tawh hi fire station hmun a tan a pe let leh mai tur a in ngen in department changtu minister te, department hotu te leh khawtlang hruaitu te hi an inhmukhawm a ni.
Hemi chungchang hi ngun taka sawi ho ni in, mipui mamawhna thlir chung zela uluk zawk a ngaihtuah tur a hmalak ni se an ti a ni.
He sawihona ah hian bialtu MLA Parliamentary Secretary ni bawk Col. Z.S.Zuala, Parliamentary Secretary Pu. Lalrinmawia leh AMC Councillor Pu Ramhlunsanga te pawh an tel a ni.
