Chief Minister Pu Lal Thanhawla chuan nimin khan Hawla Indoor Stadium, Pitarte Tlang, Aizawlah Mizoram Snooker & Billiards Association hmalaknaa Snooker leh Billiards khelna tur Hall a hawng a. Hetih rual hian Mizoram State Sports Council bultuma ni thum chhung awh khelh mek, Mizoram Pool Championship final khar nghalin lawmman te a sem.

Chief Minister Pu Lal Thanhawla chuan khawvela infiamna lar tak Billiards, Snooker leh Pool khelhna hmun tha tak hawn theih a ni chu infiamna lama hma kan sawnna tilangtu a ni a ti a. Mizo ten sports lamah talent kan nei tha tih sorkar chuan hriain, a phak chinah theihtawpin hma a la a, nachang hria Sports Minister viak tha tak chungah lawmthu a sawi a ni. Chief Minister chuan karleh lamah Champhaia Indoor Stadium sak zawh tawh chu a hawn tur thu leh phul lem, astro turf phah tur lungphum, a phum tur thu a sawi bawk a ni.

Ni thum chhung khelh Mizoram Pool Championship hi 8 leh 9 balls khelh a ni a. 8 ballsah hian infiammi 29 telin, 9 ballsah 36 an chhuak bawk a. 8 leh 9 balls-ah hian  Lalsangzela, Khatla South, Aizawl chu Champion nihna a la kawp a, Trophy leh Rs. 5000/- ve ve a dawng a ni. Runner up in trophy leh Rs.3000/- an dawng bawk a ni.