Vawiin khan Lunglei DC Pu V. Sapchhunga hovin DC Office Chamber-ah kumin 2013 ‘Teachers Day’ hman dan tur relin an thukhawm a. He meeting-ah hian D.E.O Lunglei chuan nikum 2012 lama Teachers Day an hman dan tlangpui te a tarlang a ni.

Kumin 2013 Teachers Day hman dan turah chuan nikuma hman dan angin hman leh nise, VC leh NGO te phungbawmah sawm leh nise tih a ni. Teachers Day 2013 hman dan tur programme chu a tul angin zirtirtute leh sikul zirlai ten lo duang se, sikul naupangte tana hlawk leh tangkai theih ang bera programme duan theuh nise ti a rel a ni.

Kumin 2013 Teachers Day Fund Target Rs.2,50,000/- pawh tlin ngei tura theihtawp chhuah nise; hemi Ni pual hian Ball pen leh Key chain-te zirlai naupangten office hrang hrang leh inah te an zuar ang a, mipuite pawhin tlawmngaia lei sak tura ngen nise ti a rel a ni.