Vawiin chawhma dar 11:00Am khan Additional Deputy Commissioner Office Chamber-ah kum tin September Ni 5 a lawm thin Zirtirtute Ni (Teachers' Day) vawi 58-na hman dan tur chungchang ngaituahin District Teachers' Day Organising Committee member ten meeting an nei.

He meeting Pu K. Vanlalthiana, Additional Deputy Commissioner kaihruai-ah hian kum dang ang bawkin mahni School theuh a an remchan dan angin Teachers'  Day chu ropui leh urhsun taka hman nise, kumina a Teachers' Day thupui a tan "Honour your Teacher" tih chu hman nise. Siaha khawpui hmun remchang thlan bik heng - New Colony Bus Station, AOC College vaih, Bazar Traffic Point, Meisatlâh Forest Check Gate bul, New Siaha Bazar leh Siahatlâh hmunah te Banner tar nise, he Banner te hi English, Mizo leh Mara version a siam turin vawiin meeting chuan a rel a ni. Teachers' Day hmanna a sum mamawh chu Deputy Commissioner's Office, Mara Autonomous District Council leh District Education Office in an tum ang a, Teachers' Day puala Thuchah (Message) pawh School tinah sem a chhiarchhuah vek nise tiin meeting chuan a rel bawk a ni.