1391/2023-2024

Aizawl the 4th August, 2023 : State Level Working Committee chu vawiin chawhnu dar 1:00 khan School Education Minister Pu Lalchhandama Ralte hovin School Education Directorate Committee Room ah an thukhawm a, kumin 2023 September ni 5 Teachers Day hman dan tur an rel. 

Zirtirtute Ni pual hian kum tina lo tih thin angin Zirtirtu damlo leh natna khirhkhan tuar te chhawmdawlna atan NFTW Fund tur khawn leh ni se tih te, Teachers Day lawmna chu School tinin tha leh remchang an tih angin hmang se, District tinah Deputy Commissioner hovin an hman dan tur lo ruahman se tih te an rel. Thla 12 kalta chhung khan Zirtirtu damlo mi 123 te hnenah chhawmdawlna sum pek an ni. Zirtirtute pawimawhna leh hlutna inhrilhhriat nan Talk Show te buatsaih tum a ni bawk.