1392/2023-2024
Aizawl, 04.08.2023: Aizawl District Police chuan tunhnaia mobile phone ruk lei leh hralh chungchangah mipui hriattirna heti hian a chhuah:
"Tunlai hian Aizawl khawpui chhungah mobile phone ruk a hluar hle a, heng mobile phone rukbo te hi a rutu te hian pawisa an mamawh avangin khawlai ah te leh social media hrang hrangah a man pangngai aia tlawm uchuak in an zuarin an hralh chhawng leh thin a, hei hian mobile phone ruk a ti hluar hle bawk a ni. Chuvangin, mobile phone rukbo a lo tlem theih nan hetiang mobile phone ruk a ni tih hriatchian/rinhlelhawm ngawih ngawih (man tlawm uchuak taka zawrh, charger Ieh original package tel lo, pattern lock pawh hre lo, adt.) te chu lei lo turin Aizawl District Police chuan mipuite a ngen a. Khawlai ah emaw social media a hetiang zuar kan hmu fuh anih chuan Police Station hnai ber a report turin a ngen bawk a ni.
"Tin, ruk a ni tih hre reng chunga bungrua (property) eng chi pawh lo lei hi Indian Penal Code hnuaia dan bawhchhiatna a ni a, Sec 411 IPC (dishonestly receiving stolen property) hnuaiah thubuai siam theih a ni. Chuvangin, awlsamte a thubuai neih theihna laka lo fimkhur a, rukruk hluar zel tur venna kawnga min thawhpui turin Aizawl District Police chuan mipuite a ngen takmeuh a ni."
