‘Zirtirtu te Ni’ kum 50-na ( Golden Jubilee) chu vawiin hian Chhim Veng YMA Hall, Mamit-ah urhsun leh ropui takin hman a ni a, He hun hi Pu Rodney L. Ralte IAS District Bawrhsap in a hmanpui.

District Bawrhsap chuan thusawiin zirtirtute Ni kum 50-na urhsun taka hmanna huna thuchah a sawi theia a awm avangin lawmthu a sawi a a, Zirtirtu tha, Dr S. Radhakrishnan chanchina a tumruhna kha hrerengin zirlaite pawh tumruhna nena zir tura chahin an zirtirtute zah a, an thuawiha chawimawi turin a ngen a, Hetih lai hian zirtirtu Pension tawhte leh tuna thawk mek te vawiin ni-ah thinlung takin kan chawimawi a ni a ti bawk, Bawrhsap chuan tun ang dinhmun min hlangkaitu kan zirtirtute kha an chungah lawmthu ka sawi nawn bawk a ni a ti bawk.

Bawrhsap chuan zirtirtu hna hi hna zahawm anih avangin chu zahawmna chu kengtlang thei turin zirtirtu te pawh kan mawhphurhna te hre renga hlenchhuak thei turin kan in buatsaih a tul thu a sawi bawk.

Bawrhsap chuan zirtirtu natna khirh leh harsatna tawkte tanpui nana Car flag, Key chain leh Ball pen leitu zawng zawng chungah lawmthu sawiin he tanpuina hian Sawrkar Sikul chauh nilo, Private Schoool te pawh a huamthu a thusawiah hian a tarlang bawk a ni.

He hunah hian Education Minister Message chhiarchhuahna neiin Sikul hrang hrang atangin Special Item hmuhnawm tak tak entir a ni a, Mamit khawpuia zirtirtu Pension leh thawklai mek te chawiawina hun buatsaih a ni bawk.

SSA Pipe Band ten hawnna leh kharna hunah hun an hmang a, inkhawm hi Pu Laldangliana DEO, Mamit-in a kaihruai a ni.

He hunah hian zirtirtu leh zirlai thahnem tak an tel a ni.