Vawiin Dt 5.09.2013 hian Zirtirtute Ni ( Teacher’s Day) vawi 52-na chu Mamit Chhim Veng YMA Hall-ah hman a ni a, Pu V.Lalremthanga IAS District Bawrhsap chuan khuallian niin a hmanpui.

Zirtirtute ni hmanna hun Pu Lalrammawia Kawlni DEO, Mamit kaihhruaiah khuallian Pu V. Lalremthanga District Bawrhsap chuan thusawiin Zirtirtute hi ram leh hnam lungphumtu pawiawh tak an ni a. Chawimawi an phu an ni a ti a. Pathian mit hmuhah pawh zirtirtute chuan dinhmun sang tak leh mawhphurhna sang tak an nei a ni tiin vawiina zirtirtu hna thawk zawng zawngte pawhin kan pawimawhna leh hlutna hre chhuak thar lehin. kan nitin hna- zirtirna hna kan thawhna kawngah mahni theuh insiam tharin, thahnemngaihna leh thawrimna thar neiin kan hnathawhna ah inpekna thar nei leh zual tur leh kan naupang kan zirtirnaah pawh an zirlaia pass ringawt tir mai nilovin ram leh hnam tana mi hmantlak leh chhenfakawm an nih theihna tura kawng sial sak turin zirtirtu kalkhawm te a sawm a ni.

Pu Mickey R. Lalenkawla SDEO, Mamit in Dr R.Radhakrishnan, India ram hruaitu ropui tak chanchin chhirchhuahna hun a nei a . Pu H Darhmingliana BRCC, SSA Mamit chuan Education Minister Pu Lalsawta thuchah chhiar chhuahna hun a nei bawk.

Vawiin Zirtirtute ni hmanna hunah hian Sikul naupangten an zirtirtute leh zirtirtu Pension tawhte chawimawina hun hmangin School naupang ten zai leh lamin hun an hmang bawk a ni.

Zirtirtute Ni hmanna hunah hian Mamit khawpui chhunga zirtirtute zawng zawng leh School naupang te an tel a ni.