Vawiin khan Lawngtlai DC Conference Hall ah Addl. DC Pu R. Lalsangluaia hovin kumin Teacher’s Day lo thleng tur hman dan tur ngaihtuahin Meeting neih a ni.

Mizoram State Working Committee in ruahmanna a lo duan tawh zul zuiin District Level Committee din a ni a, chu Committee chuan September ni 5 a Teacher’s Day vawi 54 na lo thleng tur hman dan tur ruahmanna hi a duang a, District chhunga Sub-Division emaw Block te pawh an mahni huam chhunga hman dan tur ngaihtuah turin tih a ni bawk.

Teacher’s Day hi School ten anmahni School theuhvah an remchan danin hmang se tia ruahmanna siam niin chungahte chuan Deputy Commissioner in Teacher’s Day pual thuchah a siamte chhiarchhuah nise tih a ni a. Teacher’s Day pual thuziak (Banner) buatsaih nise, Lawngtlai khawpui lun laiah tar nise, an ti bawk. Hemi ni hian zirlai naupangten zirtirtute chungah lawmna leh zahna lantirna hun atan hmang theuh se, tiin rawtna siam a ni.