Vawiin khan Aizawl D.C. Pu Shurbir Singh hovin kumin Teachers’ Day hmandan tur sawiho a ni a, School Education Directorate hotute bakah SDEO an tel kim vek a ni.

Kumin Teachers’ Day pualin token flag, car flag, ballpen leh key-chain siam a ni a, heng hi School zawng zawng hnenah sem a nih hnuah mipuite hnenah hralh a ni dawn. Kumin-a target chu cheng nuai 6 niin Teachers’ Welfare Fund-ah chhunluh a ni ang. Teachers’ Day hi school tinin an school theuhah hman nise tih rel a ni a, National Award dawng zirtirtute tan thutna bik siam ni se tih rel a ni bawk.

Aizawl D.C. chuan sorkarin zirtirtute pawimawhna hriain Zirtirtute Ni hi hmandan tur uluk leh flefai taka hman theuh nise tih a chah a. Mipuite pawhin he Ni ngai pawimawhin zirlai naupangten sum tuak nana he Ni puala thil an zawrh tur te chu thahnemngai taka lo leisak turin a chah bawk.