4093/2023-2024

Aizawl the 8th March, 2024 : Vawiin khan Dept. of Justice, Govt. of India leh CSC e-Governance Services India Ltd te tangkawp chuan India ram kum 75 mahni a inrelbawl thei a nih lawmna kal zelah Tele-Law State Level Workshop Cum Mela programme Bawngkawn South YMA Hall-ah an nei.

He hunah hian Pi Helen Dawngliani, Secretary, Law and Judicial Dept Govt of Mizoram chu khuallian niin Pi Dr. Esther L Chhangte, Principal, Govt Mizoram Law College chu khualzahawm a ni.

Guest of Honour Pi Dr Esther L Chhangte chuan thu sawiin ‘Reaching the Unreach’ tih chu a project in a tum ber a nih thu a sawi a, Mi harsa te leh hmun hla zawk atanga Lawyer rawn mai theih hi Mizo mipui ten hei aia nasa zawk a rawn thin turin a duh thu a sawi a ni.

Chief Guest Pi Helen Dawngliani pawhin Tele law service tha a tih thu leh mipui tana a tangkai zia a sawi a, Court a thubuai pending tam em em kara thubuai court a thlen hma a chinfel theihna tha tak technology thang zel hmang tangkai a platform a awm hi mipui te pawn hmang tangkai zel turin a chah a ni.

Tele Law Project hi Department of Justice Project niin delivery point ah CSC e-Governance Service te hman an ni a, Mizoramah chuan kum 2017 atangin tun thlengin case 17161 chuang register tawh niin, heta tang hian Panel lawyer ten case 16941 ah thurawn an pe tawh a, District zawng zawngah CSC kaltlangin dan lama hriatduh nei ten a thlawnin mizo tawng ngeiin ukil thurawn an la thei a ni.

He Programme hi Session hnihah then niin, 1st session ah hian Pu Lalruatliana, State Manager CSC e-Gov. in Welcome address a sawi hnuah, Tele Law Booklet leh Voice of Beneficiary tlangzarhna Chief Guest in a nei a, Tele Law Project a lawmman chi hrang hrang - Village Level Entrepreneur ti tha zualte, District Manager leh Panel Lawyer ti tha te hnenah Pu Lalduhkima, State In-Charge CSC e-Governance te, Chief Guest leh Guest of Hounor ten an hlan.

Pi Lalrochami, State Coordinator Tele Law chuan lawmthu sawiin 1st Session hi tih tawp a, 2nd Session hi Pu Vanlalremkima Ralte, SPOC tele law in kaihruaiin, Pu Lalrempuia, Panel lawyer in kalkhawmte training leh interaction a pek bakah zawhna leh chhanna hun atan hun hman a ni.