Vawiin khan Deputy Commissioner, Aizawl District hmalakna in Mission Veng leh Kulikawn inkar Thakthing khamphei min thin chu a hmunah sawrkar department hrang hrang - Disaster Management & Rehabilation Deptt., PWD, UD&PA, Land Revenue & Settlement Deptt., Geology & Mineral Resources, AMC leh Mission Veng, Kulikawn leh Thakthing Local Council te nen a hmunah an enfiah.

Helai hmun hi a leilung a ngheh loh avangin motor kawng tibuai hiala min chang a nei fo a, ni 29.12.2017 a a min leh tum pawh khan a lung tla mai thei ang chi ho chu D.C Office lam te, PWD lam te leh Sports & Youth Adventure Club ten thenfai theih ang thenfai hna an lo thawk tawh a ni.

Helai kawng hi Aizawl chhim lam tan khawpui luhna kawng pawimawh berte zinga mi anih avangin leimin leh zel tur danna tur ruahmanna siam dan turte leh hmalak dan turte a tul angin sawrkar-ah rawtna an thlen zui ang.