Mizoram Skill Development Society (MSDS) chuan Larsen & Toubro, Bangalore nen tangkawpin insak hna zir turin Mizo thalai an thlang chhuak a. Heng mite hian L&T Construction Skills Training Institute (CSTI), Bangalore-ah an training dawn a ni. A batch hmasa ber atan mi 24 thlan an ni a, April 9 leh ni 11 hian an zirna hmun tur Bangalore an pan a ni.

Training hun chhung hi thla 3 a ni a, an training chhung hian thla tin stipend Rs1700 an la ang. Training chhuak te chuan National Council on Vocational Training (NCVT) Test an paltlang hnuah Directorate General of Employment & Training (DGET) Certificate pek an ni ang. Training chhuakte hian L&T sub-contractors te hnuaiah an duh chuan hna an thawk zui thei ang a, hlawh hi a bul tan nan thla khatah Rs 7,000 atanga Rs 8,000 inkar pek an ni ang.