Vawiin khan Secretariat Conference Hall, Aizawl ah Pu V.Lalremthanga IAS, Secretary, Tourism Department kaihhruaiin kumin Thalfavang Kut 2016 ni 15, 16 leh 17 December, 2016 a Tuirial Airfield a hman dan tur relin Working Committee te an thukhawm.
He mizo kut pawimawh tak Thalfavang Kut 2016 kan hmanna turah hian kut hlawhtling tak anih theih nan thahnemngai taka kan mawhphurhna theuh hlen chhuak turin Pu V.Lalremthanga IAS, Secretary Tourism Department member tinte a sawm a ni.
He meeting-ah hian kut hlawhtlinna tura department lo inbuatsaih dan leh hmalak te Pu Vabeiha Hlychho, Director, Tourism Department in report pein huam zau zawkin sawihona hun hman nghal a ni.
Thalfavang Kut 2016 ah hian mizo hnam lam chi hrang hrang entir anih dawn bakah Hot Air Balloon, Power Hang Glider, Rifle Shooting, Archery Carnival bakah MIMSA buatsaihin Motorcycle Racing leh Motocross Racing te buatsaih tura chhawpchhuah niin All India Paragliding Unit ten show ropui tak entir thei tura beisei an ni bawk.
Thalfavang Kut 2016 ah hian Odyssey Events ten North East pum huap Rock Band Competition buatsaih tura beisei an ni bawk a ni. He meeting ah hian working committee members te an kal tha hle a ni.
