Ministry of Tourism, Government of India chuan Slate tin te hi khualzin hip nan a tam thei ang ber Festival hmang theuh turin a duh a, heng Festival ah te hian hnam ziarang hrang hrang atam thei ang ber pho chhuah ni sela a ti a. Handloom & handicraft hrang hrang te pawh phochhuak a, lei theih tura buatsaih turin a beisei bawk a.

Thalfavang Kut hi Adventure Festival a hman tum anih avangin pawn lam atangin mi thiam hrang hrang Hot Air Balloon te, Powered Hang Glider te, Paragliding-te, Two Wheeler Stunt Show ti tur te chah chhuah an ni a. Festival chhimtute leh khualzinte tan tlawh remchan zawkna anih beiseiin kumin Thalfavang Kut chu nikum ang bawkin Tuirial Airfield ah 10th - 12th December chhungin ropui taka hman tum niin nitin programme hi chhun dar 12:00 ah tan a ni ang.

He Festival tihlawhtling tur hian Department hrang hrang leh Association ten theihtawpin hma an la a, Zoram mipuite leh khualzinte atam thei ang ber chhim turin Tourism Department chuan a sawm nghal bawk a ni.