618/2022-2023
2022.05.24 HFW Press Release.pdf
Thawktu Indaihlohna avanga harsatna tawh mek chungchanga Health & Family Welfare Department Thuchhuah :
Mizoram Sorkar-in health sector lam tihchangtlun a ngaih pawimawh avangin kum 2019 atang tawh khan Health Department-a doctor leh post chi hrang hrang hnawh khat turin hma a la a. He hna lak tur atan Chief Minister ngei pawhin phalna min pek vek tawh laiin vanduaithlak takin Covid 19 hripui a rawn thleng a, hna lak kalpui theih a ni ta lo.
Tun hnaiah doctor sawmhnih dawn lakna tur atan Finance leh DP&AR phalna te laa recruitement tih tum a nih laiin Court case avangin recruitment kalpui chhunzawm theih a ni ta lo va, hei hian harsatna nasa tak min thlen a ni.
Tun hnai thla ruk kal ta chhung hian superannuation pension-in doctor sawm chuang zet an chhuak bawk a. Tin, zirna sang zawk (further studics) chhunzawm turin doctor thawk lai sawm chuang an chhuah a ngai leh bawk a. heng kalchhuak ta te Mizoram tana la pawimawh tur an nih avangin hnar theih an ni lo va. Heng te avangin PHC leh hospital hrang hrangah doctor indaihlohna a nasa em em a, hetiang hi Mizoramah a la thleng zen zen ngai lo.
Doctor post ruak tam tam takte hnawh khat tur hian Sorkar chuan hma a la reng a. kan harsatnate su kiang turin ruahmanna te pawh siam a ni chung in duh angin kan harsatnate chinfel a harsa hle mai a. tunah hian damdawi in tam takah post eng emaw zat a ruak mek a ni. Hemi avang hian rampuma kan dinhmun harsa tak hi hrethiama, doctor nei lo khua. mipuite leh pawl te paw'h kan harsatna tawh mek hi dawhtheihna nen min hrethiam turin kan ngen tak meuh va. Hna lak kawnga kan mutan pawh chin fel vat a nih kan beisei tlat a ni.
