DIRECTORATE OF INFORMATION & PUBLIC RELATIONS, Government of Mizoram, India

619/2022-2023

Aizawl the 25th May, 2022 : Deputy Chief Minister Pu Tawnluia leh Union Home Secretary Ajay Kumar Bhalla chu nimin khan a pisa, New Delhi ah inkawm in, Deputy Chief Minister hian Assam Rifles te Zokhawsang a an insawn tur chungchang a sawipui.

Deputy Chief Minister hian Assam Rifles lamin remchanlohna eng engemaw an neih te enfel turin Aizawl

ah ngei Ministry of Home Affairs huaihawt na hnuaia meeting neih a rawt a

Union Home Secretary Ajay Kumar Bhalla chuan Assam Rifles te insawn chhuah nan engkim peihfel a nih tawh thu a sawi a. Union Home Secretary hian Deputy Chief Minister Pu Tawnluia rawtna chu tha tiin, Meeting chu June thla chhunga neih nghal a nih tur thu in a chhang a ni.

Heng bakah hian Deputy Chief Minister Pu Tawnluia chuan Smart City hnuaia lammual bula Laldenga Cultural Centre sak anih tur leh tan hma a ngaih thu a sawi bawkin Union Home Secretary hian tan nghal theih anih thu a hrilh bawk a ni.

Deputy Chief Minister hi Commissioner & Secretary Home Department Pu H. Lalengmawia leh Additional RC Pu Alexander V Chongthu ten an tawiawm a ni.

Attachment