620/2022-2023
Siaha; the 25th May,2022: Ni 5 awh tur Asha Refreshers Training chu Siaha district hnuaia ASHA te tan I&PRO Conference Hall, Siaha-ah buatsaih a ni. Training hi nimin atang khan tanin, tahrik ni 28/5/2022 khian an zo ang.

Dr.S.Vabeilysa,SMO chuan Training kaihruaiin, Dr.R.Lalchhuanawma,
State Nodal Officer(cp) chuan thusawina hun hmangin, Refresher Training buatsaih a nih chhan te sawiin, rilru pe tak leh thahnem ngai taka training tur leh an training atangin thiamna leh hriatna thar pawchhuak ngei turin trainees te chu a chah hlawm.

Dr.Lalnunziri CMO,Siaha District chuan trainees te fuihna thu sawiin, IMR & MMR (Nu leh Naupang) thi-na tihtlem chu NHM thiltum a ni a,ASHA te hi kan district IMR & MMR tihtlem tura thawktu pawimawh ber pakhat in nih hi hre reng u la,tun aia nasa tan la leh zual turin ka ngen che u a. Tha zawk leh hriam zawka in hna inthawh theih nan training hi buatsaih a ni angin, inhlawkpui ngei ka beiseina, duhsakna ka hlan bawk a che u, a ti.

Selina Vanlaltluangi (State Trainer) ,Mary Vanlalpeki (District Trainer) leh Mazzie Hlychho (District Training) ten training hi an pe a ni

Siaha District-ah hian ASHA 77 awm mekin,Nu leh Naupang hriselna tur leh Khawtlang mipuite hriselna turin Home Visit an nei thin a ni