621/2022-2023
Aizawl the 25th May, 2022 : Dr.Lalhriatzuali Ralte IAS, Deputy Commissioner leh Chairman Nasha Mukt Bharat Abhiyaan, Aizawl District kaihhruaina hnuaiah ni 25th May, 2022, 12:00 P.M hian Aizawl S.P Conference Hall ah Aizawl District huam chhunga Kohhran hrang hrang hruaitu-te, MKHC aiawh te nen Thalaite zinga Ruihhlo hmansual hluar zel chungchang leh a venna kawnga hmalak dan tur te sawiho-in committee a neihpui a ni.

Kohhran hrang hrang Naupang Sundae Sikul ah te hmalak theih dan tur te sawiho ani a. Tin, Kohhran hrang hrang rawngbawltu Revival Speaker etc. te pawhin Ruihhlo chungchang a hma an lak theih dan tur te sawihoin, Campus Ministry ah te hmalak theih dan tur te an sawiho bawk ani.

Ruihhlo chungchang a hmalakna kawngah Aizawl D.C chuan keimahni zawn theuvah theihtawp tak meuh meuh chhuah turin kalkhawm te a ngen nawn leh ani.