Thuhmahruai:
Ram tana ka thawhpuite leh khua leh tui duhawm tak tak te, India ram danpui kan hman tanna ni Republic Day vawi 76 na ah hian zahna chibai ka buk a che u
Tukinzinga he Republic day lawmna a kan lo kalkhawm hian kan ram danpui ina nghet taka a lo duan lawk, dik taka rorelna , intluktlanna leh in unauna te hi lo vul nawn leh se tihhi ka duhthusam a ni.
kan ram danpui hi dan bu a ni satliah lova, ram inrelbawlna leh hmasawnna kal chho zel atana min kaihruaitu a ni tih kan hriat a pawimawh takzet a. Tukina kan lo kalkhawm hian India zalenna sual chhuak tura an nunna chanta te leh nasa taka beitu, kan Freedom Fighters te zahna chibai kan buk nawn leh a. Tuna hlim leh ralmuang taka kan awm theihna chhan hi huaisen leh beidawng lova an lo beihna rah a ni tih i hre thar leh theuh ang u.
Mizoram Sawrkarin hmasawnna rualkhai mipuite hnena a thlen theih nan Sawrkar Department hrang hrang kal tlangin hma nasa takin a la a, Kolasib District huam chhung a tun hnaia hma lakna thenkhat, mipuite hriat a tarlan tul a ka hriatte kan tar lang a nge :
I . MEDICAL (CMO, DMS, School of Nursing Thingdawl)
Hriselna hi mihring nun a thil pawimawh tak a ni a. Eng hna pawh thawk tur a kan mamawh hmasak ber a ni. Chutih avang chuan Sawrkar pawhin khawtlang mipuite hriselna a ngai pawhmawh hle a
1. Chief Medical Officer (CMO) & District Medical Superintendent (DMS)
Chief Medical Office leh District Medical Superitendent Office-te hi Kolasiba kan Damdawi In pui ber enkawl tute an ni a. Nikum 2024 November thlaah khan Kolasib Vengthar ah Urban Primary Health Centre (UPHC) hawn thar ani a. Medical Officer-te leh thawktu dang te dah nghal a ni. Urban Health and Wellness Centre pawh Kolasib Venglai East ah dah ni in tha tak in a Function mek a. Tin,Vairengte Border Screening Point for HIV/STI pawh December ni 5, 2024 khan hawn a ni bawk.
Mizoram Health Care hnuaiah mi 3280 enrolled tawh a ni a, PMJAY Card (Ayushman card) issue zat hi 53894 a ni tawh bawk a ni. Village Council 56 kan neih ah kum 2024 chhung khan TB free village 28 an awm tawh a, Kum 2024 chhung hian malaria vei mi 1000 zel ah 0.17 chiah kan nei tawh a, kan District chhung a nu naupai zawng zawngte TT (sakawrekhrik danna) pek vek niin naupang kumkhat hnuailam hridanna pek zat hi 90.1% a ni.
2. School of Nursing, Thingdawl (SONT)
School of Nursing, Thingdawl chuan Nurse Batch 5 chhuak tawh in, qualified nurse 96 te an zirtir chhuak tawh a. Tin, he School hi College of Nursing ni turin Upgradation Approval, Ministry of Health and Family Welfare Govt. of India ah neih tawh niin, inbuatsaihna a kal mek a ni.
II. SECURITY (POLICE, EXCISE, SUPPLY & DTO )
Sawrkar chuan mipuite himna a ngai pawimawh hle a.Khawtlang ralmuang tak kan neiha theih nan theihtawpin hma a la thinin; dan a kengkawh thin bakah mipuite nitin mamawh leh chakkhaite tha taka mumal taka semchhuah a nih theih nan hma a la a.
3. Office of the Superintendent of Police (SP)
Kum 2024 chhung khan Superintendent of Police OfficeKolasib hmalakna in dan lova kuhva rah hralhna kawngah kuhva bag 9,739 cheng maktadui 75 chuang man hu chu man a lo ni tawh a. Thil bo ziahluh zinga cheng nuai 19 man chuang zawnchhuah hna hlawhtling taka neih lo ni tawh bawk . Hunpui a lo thlen apiangin khawtlang him nan Duty-in an fehchhuak thin a nih bakah ruihhlo dona kawngah a chhun a zanin theihtawpin kan Police-te hian hna an thawk bawk thin a ni.
4. Excise & Narcotics Department
Kolasib Excise & Narcotics Department hmalakna in kum 2024 chhung khan Zu leh Ruihhlo hrang hrang dap chhuah hna neih thin a ni a. Check Gate pumpelh tum leh State Boundary pumpelha ruihhlo tawlh turte pawh dap chhuah thin a ni. Kum 2024 chhungin MLP Act’ 2019 ah mi 3243 man niin, mi 3223 te lakah thubuai ziah luh a ni a, cheng nuai 36 chuang State Sawrkarah Revenue an chhunglut thei bawk a ni.
5. Food Civil Supply & Consumer Affairs (FCS&CA)
Kolasiba Food Civil Supply & Consumer Affairs Department-te enkawlna hnuaiah Kolasib District-ah hian Godown pariat(8) khaihlak awm lo in buhfai sem thin a ni a. Sawrkar thuchhuak angin Ration Card Revision neih mek chu 78% zawh tawh niin kum 2025 March thla hian zawh fel hman beisei a ni. Kolasib District chhungah Gas Station 10 leh LPG(Liquefied Petroleum Gas) Stock Point 4 kan nei a ni.
6. District Transport Office (DTO)
District Transport Office Kolasib chuan kum kalta chhung khan nuai 681 chuang sawrkarah chhiah a thehlut a, lirthei ziahluh thar 1378 awmin License pekchhuah 454 a nei bawk a ni.
III. AGRICULTURE (AGRI, HORTICULTURE, AH&VETY, SERICULTURE, KVK)
Sawrkar in a ngaih pawimawh em em chu ei leh bara intodelh a ni a, chumi atan chuan Mizoram Sawrkar chuan Scheme hrang hrang hnuaiah hma alo la tawh thin a, a la mekzel bawk a. Hemi kawnga Sawrkar Department hrang hrangte hmalakna chu :
7. Agriculture Department
Kolasib District Agriculture Department hnuaiah nikum April atanga December, 2024 thlenga Oil Palm rah hralh loneitute’n an hralh zat chu 1706.861 metric tonne a ni a, hei hi Rs nuai 222.67276 (lakh) man a ni.
Mizoram chhunga buh tharte a lo pun theih nan leh man man zawka a chingtuten hlawkna an lo hmuh theih nan sawrkarin Paddy Procurement Policy a duang a. He Policy kaltlang hian Kolasib leh Mamit district chhunga buh thar(buhhum) te chu a bul tan nan sawrkarin kg ah Rs 30/- zelin Om Om Rice Mill, Pangbalkawn kaltlangin ni 19.12.2024 atang khan a lei tan a. Ni 16.01.2025 thlengaSawrkarin buhhum a lei tawh zat chu 1062.29 quintal a ni.
Heng bakah hian PM KISAN hnuaiah loneitu hamthatna dawng thei chhungkaw 12,755 (as of 14/01/2025) registered fel tawh a. District Agriculture Marketing Committee, Koasib District chuan sawrkarin Hand Holding Policy a duan hnuaia thlai thlan bik pali- Sawhthing, Aieng, Mizo hmarcha leh Hmunphiah te awmze neia hralhna kalpui a nih theihna turin nasa takin hma a la mek bawk a ni.
8. Horticulture Department
Thlai leh thei tharchhuaktute tih hmasawn nan Horticulture Department kaltlangin District chhunga thlai chi hrang hrang sem chhuah a ni a. Chhungkaw thlan bik Cocoa chintir mek niin PMKSY/PDMC Scheme hnuaiah loneitu 33 hnenah Drip Irrigation leh Sprinkler siamsak an ni bawk.
9. Sericulture Department
Sericulture Department hnuai ah Kolasib district hian Pangang chi siam chhuahna hmun li a nei a. Heng Farm atang hian Pangang khawitute hnenah an semchhuak thin a, tun dimhnunah Eri Silkworm Beneficiaries 110 leh Muga Silkworm Beneficiaries 44 Kolasib Districtah an awm mek a ni.
10. Animal Husbandry & Veterinary (AH&Vety)
Kolasib District-ah hian Vety Hospital-1, Dispensary-7, Rural Animal Health Centre-3 leh Surveillance Check Post-3 a awm mek a. Hengah hian nitin ran damlo enkawl thin a ni. Kum 2024 chhungin ran damlo 43007 an enkawla. Ran hri venna (Vaccine) 8645 a pek an ni bawk. Interstate Animal Check-Post, Vairengte, Bairabi leh Saiphai ah te endik thin a ni a. Kum 2024 chhunga ram chhunga ran lo te endik zat chu 9,33,572 a ni.
11. Krishi Vigyan Kendra (KVK)
Kuthnathawktute Zirna hmunpui (Farm Science Centre) KVK Kolasib-ah hian kum 2024 chhungin ‘On Farm Testing’ vawi 17 leh ‘Front Line Demonstration’ (FLD)vawi 15 an nei thei a. Loneitute tan Training vawi 68 an nei thei bawk . Tlai chi hrang hrang chin dan leh ran chi hran hran enkawl thar kum liam ta chhung khan hlawhtling takin KVK Kolasib hnuaiah hian enchhina neih a ni bawk.
12. Fisheries Department
Kolasib District hi sangha dil siam nana hmun rem tak a nih angin sangha dil pawh District dangte aiin a awm tam zawk awm e. Heng sangha dil siamtute tih hmasawn nan hian District Fisheries Office kaltlangin kum kalta chhung khan PMMSY hnuaiah loneitute dil thar 75 siam sak an ni a, sangha chi siamna hmun 50 siam belh a nih bakah sangha chi semchhuah thin a ni bawk.
13. Irrigation & Water Resource Department
Irrigation & Water Resource Department, Kolasibte hmalakna in Surface Irrigation Project 5 leh Ground Water Irrigation Project 2 kalpui mek a ni a. Tuikawng, tui dahkhawlna leh leilet siamthat hnate thawh thin niin, an Department hnuaia Beneficiaries te chu Tubewell verhsakte, Electric leh Solar Pump hmanga tuilak hnate, leilet,, Terrace laih leh canal leh pipeline siam hna thawhsak thin an ni a. Sprinkler leh Drip Irrigation System Set 19 pek chhuah a ni bawk.
IV. EDUCATION (DEO, DIET)
Zirna hi kawng engkima hmasawnna thlentu a ni a. Sawrkar pawhin zirna hi a ngai pawhmawh hle.
14. Sub-Divisional Education Office (DEO)
Zirna tha leh ram hmasawnna kawnga ke pan pen zel theih nan Kolasib Sub-Division Education Office Kolasib District hnuaiah hian zirtirtu 918 thawk awm mekin, zirlai 15243 an awm mek a ni.
15. District Institute Of Education And Training (DIET)
District Institute Of Education And Training (DIET) Kolasib ah hian Pre-Service Teachers’ Education leh Diploma in Elementary Education Course kalpui niin, zirlai 100 an awm mek a, Auditorium Hall leh Boys Hostel sak thar niin, kum 2024 chhung khan Training Activities hrang hrang neih a ni.
V. DEVELOPMENT (POWER & ELECTRICITY, LAD & DUDO, THINGDAWL RD)
Khawvel thiamna thang mil zelin Sawrkar pawn ram hmasawn nan hma a la zela, mipuite khawsak awlsam leh hmasawn nan Department pawimawh tak takte a din a.
16. Kolasib Power Division
Report huamchhuang hian Kolasib Power Division chuan 132kv single line, Single Tower Bawktlang atanga Tuirial HEP 39.618 KM tlunzawm a ni a. Incoming Bay at Bawktlang Sub-Station siam hnathawh mek a ni a. Electric connetion thar 472 awm in, NABARD zau 8 ah electric tlunzawm a ni a. Electric hralhna atangin Crore 26.15 cr. hmuh a ni bawk.
17. Land Revenue & Settlement
Land Revenue and Settlement Department hnuaiah Geographic information system (GIS) hmangin in hmun 549 chhinchhiah fel a ni tawh a. LSC pekchhuah 37 awmin P-Pata 6, House-side pass 55 pekchhuah bawk a ni.
18. District Urban Development & Poverty Alleviation (UD&PA)
UD&PA hian PMAY-HFA hnuaiah In sak tanpuina hna a kalpui thin a, chungzingah chuan UD&PA Kolasib District hi a ti tha pawlah tangin Sawrkar laipui siam Best House Construction Award chu thla hmasa khan an lo dawng tawh bawk. Swachh Bharat Mission kalpuiin khawpui fai kan neih theih nan hna tawh thin a ni a. Dihmuntlanga Solid Waste Management-ah Bawlhhlawh tawihthei leh bawlhhlawh tawihtheilo sawngbawlna hmun chu UD&PA hian tha takin a enkawl mek bawk a ni.
19. Thingdawl RD Block
Mi harsaten in an neih ve theih nan Thingdawl RD Block hnuaiah MGNREGS chak takin kalpui theih a ni a. PMAY(G) atangin chhungkaw 282 te hnenah insak tanpuina pek tura hmalakna neih a ni a chung zingah chuan 87 te chuan an sa zo tawh nghe nghe a ni. NRM hnuaiah vantlang hmun leh bungrua hrang hrang siam a ni bawk.
VI . OTHERS
20. District Child Protection Unit (Women And Child Development, Kolasib District)
Kolasib District Child Protection Unit hnuaiah kum 18 hnuai lam naupang a bika tanpui leh venhim ngai mi 115 te hnenah sponsorship tanpuina thlatin Rs. 4000/- pek thin a ni a. Sawrkar kum kal mek chhungin naupang a bika venhim leh enkawl ngai mi 131-te chungthu ngaihtuah fel a niin, Naupang Dan kalh a che, mi 16-te chungthu relfel sak a ni bawk. Kolasib District ah Children’s Home pathum (3) awmin tunah hian naupang 74 enkawl mek an ni. Kum 2024-2025 chhung khan, naupang enkawltu neilo mi 3-te Dan hmangin (Legal Adoption) chhungkaw thar ruahman sak an ni.
21. Child Development Project Officer, Thingdawl ICDSProject
Thingdawl ICDS Project chuan Pre-school a te, nu naupawm lai te, hmeichhe naupailai te, naupang thla 6 hnuai lam leh thla 6 atanga kum 3 inkar naupangte te, nu hnute pe lai leh hmeichhe tleirawl te hnenah ei-leh-in tha nutrition a pe thin a. Report chhung hian mi 6554 te hnenah pek an ni.
22. District Commerce & Industry
District Industries Centre, Kolasib District kaltlangin Prime Ministers’ Employment Programme (EMEGP) Scheme hnuaiah dilna 85 lutte chu hmalakpui mek an ni a, PM Vishwakarma hnuaiah enizawnna hrang hrang bul tan theihna hmalakna neih mek a ni bawk.
23. Information & Public Relation Office
Inlaichinna tha siam tur chuan Communication System hrisel tak neih a ngai a, chanchin chiang tak, a hun takah, a hre tur tak hnena a thlen hian buaina leh harsatna tam tak a sukiang thei a ni. Sawrkar hmalakna leh hmachhawp hrang hrang mipuite hnen a thlen leh zirtir hna chu District Information & Public Relations Office chuan a thawk thin a, Sawrkar Department hrang hrangte hmalakna chu mipuite hriatah Thutharlakhawmtute leh Cable Network kaltlangtein a pho chhuak thin a ni. Kum 2024-chhung khan Sawrkar Press Release 302 chhuah in Mizo leh English-te a chhuah thin a ni.
24. District Research Office
Kolasib District chhunga statistic pawimawh tak tak an vawng thin a. heng zinga pawimawh zual chu kum khata naupiang leh mitthi neih zah te an ni a. Nikum chhung zawng khan Kolasib ah naupiang zah 1328 awmin mithi 598 an awm bawk. Heng bakah hian Department hrang hrangte tan hmasawnna hnathawhna kawngah an pawimawh hle a. FY 2024-2025 chhung hian District Planning Committee (DPC) chuan Kolasib District hmasawnna atan development initiatives (hmalakna) project 5 a approved a ni.
24. Deputy Commissioner Office
i. Kolasib District National Highway in Mizoram ei leh bar lakluhna ber a nih avangin lirthei a kal tam a, kawng chhiat avanga buaina kan tawh mek laiin sorkarin theih tawp a chhuah a, mipui mamawh lakluhna buai lovin tun thlengin kan awm a, tunah hian hmalakna thar nen March, 2025 chhungin kawngpui te hi metal mam turin hmalak mek a ni a, nakin lawkah a hlawhtlinnna hmel hmuh thuai kan beisei.
ii. Special Marriage Act dan hmangin court marriage kalpui a ni a, mi tam tak hemi dan hnuaiah hiankutsuih an ni tawh a, mipui ten kan hlutin kantangkaipui hle a ni.
iii. REVENUE RECEIPT – January to December, 2024 chhungin hetiang hian Revenue receipt hmuh a ni. Inner Line Permit, Arms & Explosive,Circuit House leh a dangte atangin Rs. 301,60,330/- hmuh a ni.
iv. DM&R kaihhnawih ah Chhungkaw 877 ah Assistance atan Rs.68,40,090/- pek chhuah a ni.
v. 4-Laning compensation Package -5 ah Land owner 492 hnenah Rs. 19,67,95,07,34.49 leh Package 7 Land owner 114 hnenah Rs. 112,23,52,995.30 semchhuah mek a ni.
Kan tarlan tak zawng zawng atang khan Kan sawrkar in theihtawpa kan hmasawnna tura a thawhna te kha a hmang tangkai tu leh a peipung tu tur chu keimahni kanni tih kan hriat thar a pawimawh a. Theihtawp chhuah a rinawm leh taima taka hna kan thawh chuan kan District hian hmasawnna thahnem tak a hmu chho zel dawn a ni tihhi ka ringnghet tlat a ni
A tawp berah chuan Kolasib District chhunga State leh Central hnuaia Sawrkar hnathawk awm zawng zawngte chungah in inpekna avangin lawmthu ka sawi a. Kolasib District chhunga Tlawmngai Pawl hrang hrangte, Khawtlang leh Kohhran Hruaitute leh Chanchinthar Lakhawmtute vawiin ni Republic Day lawmna ti hlawhtling tura lo kal zawng zawngte in zavaiin khawtlang leh ram tha siamna kawngah thawhpui turin ka sawm thar leh che u a ni.
Ka lawm e, Jai Hind
