4542/2024-2025

Dated Hnahthial, the 5th March, 2025: Nimin tlai khan Nauhruaikawn, Hnahthial-ah Hnahthial District Fisheries Development Office leh YMA Luidung humhalh Committee ten The Mizoram Fisheries (Amendment) Act 2022 dan bawhchhia a, sangha man tute sangha man chu halral a ni. Pu George Lalnuntluanga, DFDO chuan a halral a ni.

Pu George Lalnuntluanga, DFDO chuan Mizoram sawrkar in kan ram luidung nungcha te humhalhna dan, The Mizoram Fisheries (Amendment) Act 2022 a siam thu sawiin kan lui dunga nungchate a chereu nasat tawh em avangin hemi dan hmang hian nasa takin humhalh hna thawh mêk zel a nih thu a sawi a. YMA-te kutke berah hmangin ngawrh takin humhalh hna hi buaipui mek a nih thu a sawi a. Mipuite, dan phalloh hmanga kan ram luidung nungchate sawisa lo tura chahin lui dunga nungcha man turte chuan Department hnen atanga License siamtir tura an inhriattir nawn leh thu a sawi a. License tello hian khawilaiah mah luia nungcha man, tihbuai leh thah hi dan in a phal lo bur a ni a ti bawk.