4541/2024-2025

Dated Hnahthial, the 5th March, 2025: Vawiin khan Govt Hnahthial College Auditorium-ah Zoram Energy Development Agency (ZEDA) buatsaihin 'Seminar on Renewable Energy' neih a ni a. Pu Lalsiamthanga, Principal, Govt. Hnahthial College chuan khuallian ni a hmanpuiin Pu B. Lalchhanhima, SDO P&E, Hnahthial chuan thu a sawi bawk.

Khuallian, Pu Lalsiamthanga, Principal Govt. Hnahthial College chuan power supply hi hmasawnna kan neih theihna atana thil pawimawh ber te zing ami a ni thu a sawi a. Tui khuah atanga power siam chhuah te hi a that viau rualin a siamna senso a hautak thin a. Hetiang a nih vang hian sorkar laipui chuan senso tlem zawk leh daih rei zawk, renewable energy lamah nasa takin hma a lak thu sawiin tunah pawh hetiang chungchang seminar kan nei thei hi a lawmawm hle a ni a ti.

Seminar inkhawm hi Er. R. Lalchhanhima, Project Director, ZEDA in a kaihruai a. Inlawmna thu sawi nghalin hemi hnu hian  Er. Maria Goretti Malsawmdawngkimi chuan 'Energy Access using R.E Technology' chungchang a zirtir a. Er. Benjamin Vanlallawmkima'n 'Off Grid Solar Technology and Application' chungchang zirtirna Er. Mary Lalngaihzuali'n 'Grid Connected Rooftop Solar PV System' chungchang a zirtir a. Discussion neih a nih  hnuah Er. Lalthangliani, JE, ZEDA chuan lawmthu sawiin hun a khar a ni.