No.202/2020-2021
Vawiin khan Conference Hall, Directorate of Commerce & Industries Department-ah Safety Measures on Import of Fruits and Vegetables chungchangah meeting neih a ni.
He meeting hi Dr. ZR Thiamsanga, Chairman on Covid-19 Medical Operational team in a kaihruai a, Health & Family Welfare Department, Commerce & Industries Department leh Horticulture Department bakah Fruits & Vegetables supplier te pawh an tel a.
He hunah hian Thlai leh Thei kan lakluh mek hi mipuite ei leh in tur atana a him thei ang ber tura pack, phurh leh unload a nih theih dan tur sawihoa ruahmanna siam a ni bawk a ni.
Vairengte, Assam leh Mizoram inrinna National Highway a eitur (Thei leh thlai)lo luh theih dan tur te leh vairengte Local Level Task Force te an dinhmun enpui turin heng mite hi naktuk ni 9.4.2020 hian Vairengteah tel tura tih an ni.
1. Pu H.D Lalrintluanga, Jt. Director, Commerce & Industries Deptt.
2. Pu Lalsawma Pachuau, Jt. Director (FDA), Health & Family Welfare Department, Govt. of Mizoram.
3. Dr Joel L. Pautu, Health & Family Welfare Deptt. Govt. of Mizoram.
Hei bakah hian mipuite tana thei, thlai leh eitur dang lakluh te eitheih tur atana a him theih dan Indian Medical Association (IMA), Mizoram Branch in thuchhuah siam se tih ani bawk.
