Vawiin chawhma khan Parliamentary Secretary Pu S.Laldingliana chuan a bial chhung Theiriat khua a BNRGSK Rs. 8,90,000/- senga sak leh Rs. 10,00,000/- senga sak Tui dahkhawlna lian (Water reservior tank) bakah Rs. 14,00,000/- sak Theiriat Community Hall a hawng. Hemi rual hian Theiriat khawtlang buatsaih, Riat Khawpui Day chu a hmanpui a.

He inkhawmah hian Pu Pu S. Laldingliana chuan thu sawiin Theiriat khaw chhunga NGO Co-Ordination ten thawhhona tha tak an nei chu lawmawm a tih thu sawiin thalaiten zirna leh infiamna lamah khawtlang hruaitute thawhpui a,fin chhuah tur leh taima tak a hma la turin a chah bawk. Theiriat tlang hmun chu Recreation Centre atan UD & PA Department hnuaiah sawrkarin ruahmanna a kalpui mek a hemi atan hian cheng nuai za chuang dah fel tawh a nih thu a sawi bawk a ni.