Vawiin hian Thenzawl ah Urban Development and Poverty Alleviation Department hmalakna pakhat, DAY-NULM hnuaia Employment through Skill Training & Placement Component hnuaia puanthui (tailoring) zir tura thlante tan an thil zir tur leh an thil tumte inhrilhfiahna hun Sensitization & Counselling buatsaih a ni.

He hun, Pu Vanlalrema Hnamte, State Coordinator kaihhruaiah hian Thenzawl khaw chhung atanga thlan chhuah puanthui zir tur mi 50 te chu Nl. Grace Lalrinfeli, Manager, DAY-NULM Serchhip District chuan zirtirna pein an hmalaknain a turn leh training neitute hnen atanga an beisei thil hrang hrang a sawifiah a. An thil zir turte chu thiam ngei turn tur leh training leh chhawr tlak, hna zawn sak tlak ngeia an thiam a tul thu a chah a ni.

Vawiina training tura thlan kal khawmte hian an thil hriat duh leh zawhna an neihte zawtin training partner (provider) atana thlan AISCET ten class kal dan tur an ruahman te pawh an inhrilhfiah nghal bawk.

DAY NULM hnuaia Employment through Skill Training & Placement in a thil turn ber chu, khawpuia cheng, mirethei zawkte, thiam thil chhawr tlak, eizawn nana hmang thei khawpa zirtri leh an hnathawh tur thlenga ngaihtuah sak a ni a. Thenzawla Tailoring Trade bikah chuan vawiia Counselling neite hi batch hmasa ber tur te an ni.