517/2023-2024

Dated Serchhip, the 19th May, 2023: Mizoram Tourism Derpatment, Deputy Commissioner, Serchhip District leh Thenzawl SDO(C) te buatsaihin vawiin chawhnu dar 3:00 aṭang khan khualzinte hipna tura hmalakna chi khat; ni hnih chhung awh tur Thenzawl Calling Festival chu Thenzawl Golf Course & Resort ah neih ṭan a ni a, a hawnna inkhawm hi Serchhip District Bawrhsap Pi Nazuk Kumar chuan Khuallian niin a hmanpui.

Khuallian chuan he hun hmang tura kal khawm zawngte chungah lawmthu sawiin chibai a buk a, Mizoramin Thenzawl ah tourist hipna tur hmun kan nei tha hle a, chu hmunah ngei hetiang hun buatsaih a hi a lawmawm hle a ni, a ti a, Mizoram sik leh sa leh ram awm dante hi khualzinte hip nan a tha em em vek mai a ni, a ti .Tourism App siamthar a nih thu sawiin he App thar hi tangkai takin mitinin hmang thei se a duh thu pawh tarlangin Tourism lama hmasawnna hian Entreprenuer & Skill Development lamah nasa takin hma min sawntir dawn avangin skill development lamah tan kan lak deuh deuh tul dawn a ni, a ti bawk.

Vawiin chawhnu dar 3:00 aṭang khan Serchhip BDO hnuaia Thenzawl khaw chhunga Self Help Group ten Eisiam intihsiakin bul an ṭan a. A hawnna hun hman anih hnuah Rimawi Band Competition neih zui nghal a ni.  Naktuk Inrinni hian Thenzawl Calling Festival hi neih chhunzawm leh a ni ang a. Golf Tournament, Cooking Competition, Cultural Dance Competition te buatsaih a nih dawn bakah Handloom & Handicraft exhibition neih a ni bawk ang.

He Festival hawnna inkhawm Pi C. Ramsangzuali, Tourist Officer, Tourism Department chuan a kaihhruai a, Pi Zonunthari, Deputy Secretary, Tourism Department in kal khawmte lawmna thusawiin, Pi Lalthakimi Pachuau, Joint Director, Tourism Department chuan lawmthu sawiin he hun hi a khar a ni..

Attachment

  • Loading attachment...