516/2023-2024

Dated Serchhip, the 19th May, 2023: Vawiin khan Serchhip dai Bawngchawma Paragliding Take-off hmunah India ram pum huapa buatsaih ni 50 awh Paragliding Training kharna hun buatsaih a ni a. Pu Vanlalnghenga, SP, Serchhip chuan khuallian niin a hmanpui.

Khuallian chuan, Serchhipin paragliding tihna hmun ?ha tak kan nei hi kan vannei hle a, hetiang lama tui mite tana Training hlawhtling tak Mizoram Aerosport Association in a buatsaih thei pawh hi a lawmawm hle a ni. Zirlaiten an tangkaipui ka beisei a, theihtawp chhuah zuia hlawhtlinpui ngei turin duhsakna ka hlan che u a ni, a ti. Pu Vanlalnghenga hian Paragliding chu Sports hmuhnawm leh nuam, khualzin hip nan te, eizawn nan leh intihhlim nan tea ?angkai tak tur nia a hriat thu a tarlang bawk.

Pu J. Vanlalliana, President, MASA pawhin thusawiin Mizoramah Paragliding Sports lam chi uar deuh deuh an tum thu leh hetiang lama tui mite chawikan zel an tum thu a tarlang a ni.

He hunah hian Pu Avi Malik, Master Instructor chuan technical report a pe a. Paragliding training ah hian mi 45 in atirah bul an ?an a, engemaw harsatna avangin mi 9 ten training an kal chhuak lo a ni. Trainee te hi Mizoram pawn heng Himachal Pradesh, Uttarakhand, Arunachal Pradesh, Punjab, Assam, Manipur, Nagaland,Sikkim, West Bengal, Kerela leh Meghalaya te an ni. North East state a?angin Tripura tih loh state dang zawng atangin an rawn tel vek a, Trainee 45 zinga 20 hi Mizo an ni. Pilot Training hi Mizoram Aerosport Association in NEC puihna hmanga a buatsaih niin March ni 29 atang khan Champhaia neih tan a ni a. Serchhipah hian a hmawr bàwkna neih a ni.

Training kharna inkhawm hi MASA thawhpui Pi Zosangzeli, Edenero Firm neituin lawmthu sawiin a khar a ni.