Mizoram State Anti Tobacco Day ni 11 September, 2017 lo thleng tur atana inbuatsaihna neiin nimin khan Serchhip District Anti Tobacco Squad leh Legal Metrology Department tangkawp chuan Thenzawlah squad drive an nei a, Foreign ciggarette thahnem tak an man.

He squad drive hian Thenzawl khaw chhunga dawr hrang hrangte an endik a, Foreign Ciggarette bawmpui 88 chuang  chu Sec 18 of Legal Metrology Act 2009 leh Rule 6 of Legal Metrology (Pakage Commodities Rules) 2011 tlawhchhanin an man a, heng ciggarette te hi a tul anga dan hmanga tih ral tur atan dah a ni a, dan phal lohva foreign ciggarette zawrhte hi ngawrh lehzuala dap chhuah zel tum a ni.