Task Force on Commodities thurel bawhzuiin Food Civil Supplies and Consumer Affairs Department chuan thil lei leh hralh chungchangah mipuite leh sumdawngte hnena hriattirna a tichhuak.
Khaw tin leh veng tinah nitin mamawh ei leh bar te mi pakhat/chhungkaw khatin mamawh baka tam chhekkhawl lo tur leh lei teuh teuh lo turin FCS&CA chuan mipuite a ngena. Packaged goods reng reng MRP aia sanga hralh a nih loh nan khua/vengchhunga dawr lian leh sumdawngte lakah mipuite fimkhur turin a ngen a ni. Nitin mamawh ei leh bar, tui, power renchem turin mipuite a ngen bawk.
Packaged good te MRP aia sanga hralh a nih loh nan FCS&CA hnuaia Legal Metrology ten hma an la a. Veng tinah COVID-19 Local Task Force ten hma an la bawk. Essential commodities te State chhungah tun aia chak zawka a lo luh theih nan Supply Department-in Movement Monitoring gate a neih tawh sa, tuna Taxation Department check gate-a awm chu lachhuakin Supply check gate awmna hmun hmasaah dah let leh ni se tiin Task Force on Commodities chuan a rel a. Vairengte check gate hmasa berah LPG, POL leh sawrkar buhfai phurte chhinchhiahna (sticker) an lo pe anga, chutianga sticker belte chauh chu FCS&CA check gate panin an tlan tlang thei ang.
