State Level Committee for Standardization & Quality System, Mizoram 4th meeting chu Chief Secretary Pu Lalmalsawma hovin bawkin chawhma dar 11 khan Chief Secretary Conference Room ah neih a ni. He meeting hmang tur hian Bureau of Indian Standards, Guwahati atangin Pu K.C. Santra, Scienties-F& Head leh a thiante an lo kal bawk a ni.

Meeting kaihruaitu Pu Lalmalsawma, Chief Secretary chuan company hrang hrangin thil an siam lo leitu leh hmangtuten thil tha leh him an hman theih nana an chanvo leh hriattur pawimawh te a sawi a. Pu K.C. Santra pawhin BIS chungchang leh an hmalak dan report a pe bawk. Thil siam hrang hrang items 9000 chuang BIS chhinchhiah a hriatpui, an awm a, heng BIS te, ISI leh rangkachak lam thil chhinchhiahna mark chuang si, sawiselna a awm chuan an mahni hnenah hian complaint theih a ni a, Complaint form ah emaw an e-mail : gb0@bis.org.in leh website : www.bis.org.in ah te hrechiang duh tan en theih a ni bawk.

Pu R. Lalvena, Secretary, Food Civil Supplies & Consumer Affairs pawhin hemi chungchang hi sawifiah in tunlai thil siamah uluk a ngaih thu leh thil siamtuten registration tih nachang an hriat a ngaih thu sawiin hemi chungchang a meeting hi zing zawk a neih a tul thu a sawi bawk a ni.

Mizoram ah chian M/s Amawii Package Drinking Water, MZ Agencies Mizoram, ISPAT Industries te heng BIS licences nei langsar zualte an ni.