No.1278/2020-2020

Tunlai Covid-19 hrileng avangin ram pumah nitin mamawh a tel lova kan awm theih loh (Essential Commodities) indaihlohna a nasa chho mek a. Sumdawng thenkhatin hei hi remchangah lain an bungraw neihte a to huna hralh tur hisapa chheprelh Ieh Maximum Retail Price (MRP) pela zuar an awm a. Hetianga zuar man an awm chuan ‘The Legal Metrology Act, 2009’ leh ‘The Legal Metrology (Packaged Commodities) Rule, 2011’ hmanga hrem theih an ni.

Pu V.Lalfakzuala, Assistant Controller, Legal Metrology, Champhai District chuan Sumdawngte zawm ngei ngei tur thuchhuah a hnuaia tarlante hi vawiin khan a chhuah.

1. Bungraw stock, supply a tlem avanga chheprelh a, a man inziaksa Maximum Retail Price (MRP) aia to a hralh phal a ni lo.
2. Bungrua in pack sa a man MRP te hi ziah that, thaichhiat/pawhthlak phal a ni lo.
3. Tunlai hian Cement, sawrkar phalna neia lalut an awm a, heng mi te pawh hian MRP aia to in an hralh tur a ni lo.
4. Foreign bungrua a man leh thil dang inziak awm lo (Incomplete declaration) la lut leh zuar reng reng a chunga dan tarlan hmang khian mana hrem theih an ni.

A chunga order zawmlo leh lungawilohna nei chuan heng phone number-ah te hian englai pawhin hriattir theih a ni. Contact No- 7005670443 / 8257872311