NABARD Mizoram Regional Office chuan Lawngtlai district chhung, India leh Myanmar ramri bulah thing hmanga lei pahnih dawhna tur sum Lawngtlai District administration hnenah a pe dawn a. Heng project pahnihte chu - 1). Parva II leh Parva III atanga Parva I leh Parva IV inkalpawhna tur,  lirthei kal theihna tura thing hmanga lei dawh leh  2). Sekulh luia thing hmanga lei dawhte an ni.

Heng project pahnih hian thingtlang khua 15 vel chu inkalpawhna mumal zawk a siam dawn a. Tuna an kawng zawh thin aiin km 10 vel zetin kawng pawh a tawi zawk dawn a. Nitin mamawh thil pawh chhipa phurh ngai tawh lovin lirtheiin a phurh luh theih tawh dawn a ni.

Heng project pahnih hi District Administration, Lawngtlai thawh tur a ni a. Project pakhat atan hian NABARD chuan cheng nuai 5 ve ve sum a tum dawn a ni.