Sannsad Adarsh Gram Yojana (SAGY) hnuaia MLA Model Village-a hmalak dan tur ngaihtuahin Vawiin khan Thingdawl ah Bialtu MLA hovin Gramsabha neih ani.
4-Tuirial Constituency Bialtu MLA Pu Hmingdailova Khiangte in a bialchhunga Model Village atana a puan Thingdawl khua a hmalak dan tur ngaihtuahin vawiin khan Thingdawl Community Hall-ah Bialtu MLA hovin, Pu H.Lalengmawia DC Kolasib, leh Kolasib District chhunga Dept. hotu te leh Thingdawl khaw mipui te nen Gramsabha an nei.
Gramsabha hi Pu V.Lalruatliana BDO Thingdawl in kaihruaia, Bialtu MLA chuan mipui kalkhawmte hmaah thu sawiin Model village ni turin Khawtlang Inrelbawlna tha, Ei leh bar a intodelh te ngaihpawimawh hmasak angai a ni a ti a, vawiin a kan kalkhawm chhan hi a hlawhtlin theih nan model village atan a thlan an nih ang ngei in a tak ram thleng turin mipui te leh Sawrkar Department te tanrualna a pawimawh thu a sawi a ni.
He Gramsabha-ah hian Kolasib District-a Department hrang hrang hotu te an kal tha hle a, Department hrang hrang ten Model Village atana hma lak dan tur ruahmanna an siam te mipui kalkhawmte hmaah pharhin, heng an ruahmanna siam te hi mipui te nen an sawiho a, Line Department ten ruahmanna an siam te hi Mipui kalkhawm ten an pawm a ni.
