Kolasib Town Road siam mekah siam zawh tawh Thirhruibankawn – Project Veng kawng chu siam that leh a ni dawn.

Kolasib Town Road siam lai mek hi Monitoring Sub Committee ten an endikna report Committee puia an thehluh zingah Thirhruibankawn – Project Veng kawng chu felhlel leh siam that ngai nia an hriatte an thlen a. Helai kawng hi sawrkar office sang ber DC office leh office pawimawh tamtak awmna, VIP road a ni tiin a theih anga khawih that leh an duh thu an thlen a ni.

An thu thehluh bawhzui hian Monitoring sub Committee member te leh Contractor NBCC leh CT Mawia Construction Company te chuan he kawng hi 9 May 2012 khan joint verification an nei a. Heta an thil hmuh report Monitoring Committee-in Kolasib Town Road Development Coordination Committee hnena an thehluh chu Chairman Pi Niharika Rai, DC chuan chhangin he kawng hi hun hmasa bera siam tha leh turin a hrilh ta a ni. Helai kawng hi office tamtak awmna hmun a nih avangin a thawh hun atan zanlam nise tiin a hrilh bawk a ni.