Vawiin khan Siamliana Hall, Mamit-ah kuthnathawktute tan organic hmanga thlai chaw chi hrang hrang siam dan Horticulture Deptt. bultumin buatsaih a ni.

He training ah hian hnimhnah chi hrang hrang kan ramchhunga kuthnathawktute tana kan hmuh mai theih leh thlai leh mihringte tan pawha tangkai lo ni a kan ngaih te chawhpawlh a, chung atanga leitha, thlai chaw atana tha taka siam chhuah dan chipchiar takin zirtirna kuthnathawktute hnenah pek a ni a. Hemi bakah hian leitha siamchhuahte a tangkai thei ang bera hman dante kuthnathawktute hi zirtir an ni bawk a ni. Zirtirna a lem nen entir an niin, he training hi Pu V.L. Remruarpuia, Horticulture Extension Officer, Directorate, Aizawl in a pe a ni.

He training hi Pu Lalthlamuana, DHO Tuidam-in kaihruaiin training ah hian Mamit khawpui chhung leh hmun dang atangin kuthnathawktu mi 89 an tel a ni.