No.1325/2020-2021 

Ministry of Civil Aviation, Government of India-in May ni 25, 2020 atanga India ramchhunga thlawhna thlawh a remtih tak hnuah COVID-19 laka him nan thlawhna hmanga Lengpui Airport kaltlanga Mizorama lut tur ten an zawm ngei ngei tur inkaihhruaina siam a ni a. Mipuite him nan Mizoram mi leh sa zawng zawng te leh COVID-19 vanga State pawna tangkhang sawrkar hnathawk Mizorama thlawh luh tum zawng zawng ten a hnuaia inkaihhruaihna hi an zawm ngei ngei tur a ni, tiin Pu Lalnunmawia Chuaungo, Mizoram Chief Secretary chuan a hnuai a mi ang hian thupek a ti chhuak.

1. An awm mekna hmuna Mizoram Sawrkar aiawh Government of Mizoram (Resident Commissioner, New Delhi/Jt. Resident Commissioner, Kolkata/ Dy Resident Commissioner, Guwahati/Shillong/Silchar) te hnenah an flight leh ticket chungchang kimchang takin an hriattir tur a ni. State/khawpuia Mizoram Sawrkar aiawh (Mizoram House) awm lohnaah chuan an hnaih ber Mizo Welfare Association te hnenah an inhriattir tur a ni. Annexure 1 a proforma thil tel ang hian an chanchin chiang takin an thehlut tur a ni. Mi tu pawh thu diklo thehlut emaw, zep emaw an awm a nih chuan hrem theih an ni ang.
2. Home Department, Government of Mizoram atanga phalna la hmasa lovin  Lengpui Airport pan tur thlawhnaah chuan phal a ni lo. Permit la hmasa lo te chu Lengpui Airport chhuahsan phalsak an ni lovang.
3. Passenger zawng zawng list kimchang chu Chairman, Task Group on Migrant Workers & Stranded Travellers hnenah thawn a ni ang a. Ani hian flight lo thleng tur apiang list kim chang siamin passenger-te thlen chin tur District tarlang telin Home Department pawmpui turin thlawhna thlawh chhuah ni (date of departure) thlen hma ni khatah, tlai dar 2 ral hmain a thehlut thin ang.  
4. Lengpui Airport lo thleng thar apiangte COVID-19 symptoms an neih leh neih loh endik (screen) leh Rapid Antibody Test (RAT) emaw, State Sawrkarin a bituk ang zela endik thin an ni ang. 
5. Ministry of Health & Family Welfare, Government of India in Red Zone-a a puan ram/khua atanga lo thlengte chu Lengpui Airport-a Rapid Antibody Test bakah an inkhunghranna (quarantine) hmun an thlen hunah RT-PCR test tih leh vek tur a ni.
6. Lengpui Airport-a thlawhna hmanga lo lut zawng zawng te an awmna Deputy Commissioner te hmun ruatah ni 14 an inkhunghrang tur a ni.
7. Deputy Commissioner-ten ruahmanna an siamsak motor hmangin quarantine facility an pan tur a ni a. DC in a phalsak a nih loh chuan Airport-a inlamna tur remruatna dang siam phal a ni lo.
8. Paragraph hmasa bera tarlante ni lo, Mizoram luh tum midang reng reng chuan thu leh awm hma chu Lengpui Airport panna tur thlawhna ticket an book hmain Home Department, Government of Mizoram hnenah phalna an la hmasa ngei tur a ni.
9. Inkaihhruaina a chunga tarlante bakah Mizoram Sawrkarin SOP a siam te, sawrkar laipui Ministry of Civil Aviation-in Order No.AV.29017/5/2020-DT dated 21.05.2020 a tihchhuahte an zawm tur a ni. Civil Aviation inkaihhruaina hi  www.civilaviation.gov.in ah en theih a ni. MoCA in thlawhna thlawhchhuah hma pre-departure guideline a siam angin passenger zawng zawng ten Aarogya Setu mobile app emaw, Annexure 2-a form tarlan ang hian an hriselna dinhmun chiang takin an tarlang tur a ni.