Thli chhia ‘Mahasen’ an tih mai Mizorama alo thlen dan tur chungchangah, Chief Minister in thlithlai reng tura a tih angin Science & Technology Department in a thlithlai reng a. Vawiina Regional Meteorological Centre, Guwahati leh Indian Meteorological Department, New Delhi nena inbiakna hnuhnung berah ni 16(Ningani) zan dar 10 velah Mizoram lo thleng tura rin a ni a. Lunglei chhim lamah na deuh tura hlauhthawn a ni a, darkar khatah km 50 - 70 vela chak anih rin a ni. Hmar lamah chuan na lo zawk deuh tura beisei a ni. Amaherawhchu ruahpui nasa tak a ken ngei rin a ni.

Chief Minister Pu Lal Thanhawla chuan mipuite chiai lo turin a ngen a, mahse fimkhur tura chah pahin, Pathian nung hnena tawngtai nasa leh zual turin a chah a ni. Sorkar department te pawh thiam ang anga inralring turin a hriattir bawk a ni.