Nizan thli tleh chuan New Champhai leh Tlangsam ah chhiatna chi hrang hrang a thlen.

Champhai District Disaster Management & Rehabilitation Branch report dawn atang a lan dan in New Champhai ah chenna in 7 leh thlam mi luah lai pakhat a nuai chhiat bakah electric ban 4 len tlu in, Zomi Baptist Biakin kawngkhar a tichhe bawk. In 7 zinga pahnih chu luah zui tlak loh khawpa a chhia a ni. Horticulture Office quarter thenkhat chu thli tleh hian a bang leh tukverh a tihchhe tel a. Tlangsam ah pawh chenna in pakhat leh bawngin a nuai chhe bawk.

In chhia siam leh thawmthat hnatlang thawk turin tukin zing atang khan vengchhung mipui an thawkchhuak nghal a. Bialtu MLA Pu JH Rothuama chuan hnatlang thingpui in na tur puihna Rs. 3000 bakah silpauline eng emawzat a thawh a ni.