Tunhnaia Champhai leh a chhehvela Vawk natna chungchangah A.H & Vety. Department, Champhai District chuan he natna hi a punlun zel loh nan theihtawp chhuahin hma a la a. Tuna Vawk natna hi eng natna ber nge tih enfiahna turin Ran damlo thisen leh a thi tawhte taksa bung hrang hrangte pawh Aizawl lamah endik tura thawn thlak a ni tawh a, reilote hnuah result a hriat theih beisei a ni.

Hemi chungchangah hian Champhai A.H & Vety. Department chuan mipuite hnenah hriattirna leh ngenna hetiang hian a siam a ni :-

1. Ran dam lo hlek chu phone hmanga be mai lovin Vety. Hospital-ah kalin Doctor-te rawn vat thin tur a ni.

2. Ran dam Io thi reng reng dai vela paih mai mai lovin, thuk tha taka phum bo/hal ral tur a ni.

3. Sa talhtute leh Ran vulhtuten ran dam lo talh emaw ser a hralh chhuah loh hram hram tur a ni.

4. Ran vulhtuten Ran In intlawh pawhsak tawn loh hram ni se.

5. Hri danna (Vaccine) kan pek dawn reng rengin Ran hrisel tha chauhah pek tur a ni.

6. Ran In-te Disinfectant (Tuisen, Phenol, Dettol etc) hmanga silfai thin tur a ni.

7. Ran damlo reng reng a theih hram chuan a dang awmna atanga hla thei ang berah dah hran hmak tur a ni.

8. Vawk vulh tur kan Iak thar reng reng a dang nena dah pawlh hma in kar hnih tal hmun hrana dah tur a ni.

9. Ran dam lo emaw Ran thi awmna In a ran dang dah leh hmain Disinfectant (Tuisen, Phenol, Dettol etc) a silfai hmasak thin tur a ni.