Aizawl District Election Officer chuan MP (Lok Sabha) inthlanna tur atan ni 14.3.2014 khan hetiang hian thupek a chhuah : -

Election Commission of India-in Instruction on Election Expenditure Monitoring a tih chhuah para 5.5.1 angin, Lok Sabha, 2014 in thlanpui lo awm turah hian contesting Candidate-in vantlang inkhawm (Public Meeting) punkhawm/kawngzawh (Rally), Loud Speaker hmanna a huaihawt dawnin leh 5.8.1 angin motor hman phalna a hnuaia tarlan ang hian permission lak ngei ngei tur a ni. Phalna an lak dawnin heng a hnuaia Officer te hnenah hian an dil tur a ni, an dilna-ah Annexure 16 - Details of Expenditure on Public Meetings/Rallies, motor leh sound, pandal siamna etc kim taka dah khahin an thil tel ngei tur a ni.

I. Motor hmanphalna permit chu Returning Officer in 1-Mizoram (ST) Parliamentary Constituency tan Permit a pe ang.

II. Tin, Public Meetings, Rallies, leh Loud Speaker hman phalna Aizawl District tan a hnuaia tarlan ang hian Permit pek a ni ang. District dang tan chuan Asst. Returning Officer ten a remchan dan angin ruahmanna an siam ang

1) Donny Lalruatsanga, SDO (C), Saitual in Saitual Sub-Division huam chhungah phalna a pe ang.

2) L. Rinliana, SDO (C), Sakawrdai in Sakawrdai Sub-Division huam chhungah phalna a pe ang.

3) Pu H. Lalhmingthanga, SDO (S), Aizawl chuan Aizawl (Sadar) Sub-Division huam chhunga hman phalna a pe ang.

A chunga SDM te hian zan dar 10:00 atanga zing dar 06:00-ah erawh chuan Supreme Court Ruling awm tawh sa angin phalna an pe thei lo ang.

Phalna la lawk lo tan Vantlang inkhawm/kawngzawh/punkhawm phal a ni lo.