Mi thekhatin Hrangbana Petrol Pump leh Phunchawng inkar Sairang Road-ah leivung an paih thin tih hriat a ni a. Hei hian a chhehvela chengte tan harsatna a siam a, an tui tlan lai te a tibawlhhlawhin boruak rimchhia leh bengchheng a siam mai bakah NH 54 pawh a tichhe mek tih hriat a ni a.
Heng lai hmun hi a bul vela chengte tan a lo hrisel theih zawk nan leh kawngpui NH 54 a lo him zawk nan Sec.144 Cr.Pc. 1973 (Act II of 1974) tlawhchhanin Office of the District Magistrate, Aizawl District chuan nimin 12 December, 2011 khan Thupek a chhuah a - Mi tumahin Hrangbana Petrol Pump leh Phunchawng inkar NH 54 (Sairang Road) ah leivung an paih tur a ni lo a ni.
He thupek hi sut a nih loh chuan thla hnih chhung a huam ang a, he thupek awih lova paih lui an awm chuan dan dinglai angin an chungah hremna lek a ni ang.
