Pu V. Lalremthanga, MCS, District Magistrate, Mamit District, Mamit chuan thupek chhuahin tun hnaia Assam State a Bodo hnam leh Muslim inkara buaina chhuak kal zelah thuthang dik tawk lo avangin hmarchhak mi engemaw zat chuan an awmna hmun hrang hrang a bik takin India ram chhim lam atangin mahni state lam panin an haw phah a. He buaina kal zel hian ram chhung remna leh muanna a khawih buai a hlauhawm hle a ni. Kan Mizo pui Bangalore, Pune leh Mumbai a chengte leh zirlai awm ten harsatna an tawh loh nan Mizoram sawrkar chuan chak takin hma a la mek a.

Chuvangin Mamit District a chengte pawhin he buaina ti punlun thei thil chanchinbu a chhuah lo tur leh SMS, MMS leh Face Book hmanga thu vawrh darh lo turin mipui te leh chanchinbu mite hriattir kan nih thupek ah chuan tarlan a ni.