Vawiin chawhma dar 11:00 khan District Bawrhsap Pu Alok Swarup, IAS hovin a Official Chamber-ah Kum tin September ni 5 a lawm thin Zirtirtute Ni ( Teachers’ Day) vawi 51-na hman dan tur chungchang ngaihtuahin District Teachers’ Day Organising Committee Member ten Meeting an neih a ni.

He meeting Pu Alok Swarup,IAS kaihruaiah hian kum dang ang bawkin Teachers’ Day chu ropui Ttaka hman ni se an ti a. Nikum Teachers’ Day kha a vawi 50-na (Golden Jubilee ) a nih angin Programme pawh phuisui taka hman a lo ni tawh a. Kumin ah erawh chuan hmandan tur pogramme pawh tlem tih danglam hret niin, School hrang hrang ten mahni remchan dan ang ang a hmang ve theuh tura hriattir ni se, Khuallian tur pawh anmahni duh zawngte ngei sawm se tihte, Zirtirtu te zahna lantirna atan thilpek leh an puala Drama leh Skit show te pawh a remchan dan anga chan/entir thei nise tih te bakah; School hrang hrang ten an School atanga zirtirtu chawl tawhte leh an school awmna vengchhunga Zirtirtu chawl tawhte sawm theuh ni se, tih te a rel a. Heng bakah hian tun tum Teachers’ Day vawi 51-na pual hian Meeting chuan Local Cable TV kal tlangin Talk show huaihawt nise , tih te pawh a rel nghal bawk a ni.