Pu K. Lalthawmmawia District Magistrate, Mamit District chuan Sec 144 of Cr P.C 1973 in thuneihna a pek angin hetiang hian thupek a chhuah :
Mamit District chhhunga kawngpui, abikin Dapchhuah - Mamit - Kanhmun (via Darlak- Tuidam leh via Suarhluap - Saikhawthlir) te hi Heavy commercial Vehicle vei vakin nasa takin a ti chhia in a ti tlo lova, heng Heavy Commercial Vehicle vei vak te hian helai kawng dunga cheng mipuite tan harsatna an thlen thin avang leh zin veivak dangte tana harsatna an thlen fo avang te, mipui mamawh, abikin ‘essential commodities’ hrang hrang lak luhna kawngah te harsatna an thlen thin avangin khuahkhirh tul a hriat a ni a.
Dapchhuah - Mamit- Kanhmun (via Darlak - Tuidam leh via Suarhliap - Saikhawthlir) kawngah te hian Heavy Commercial Vehicle pay load 9 Metric ton aia sang an tlan tur a ni lo.
He thupek hian tul bik thil a essential commodities phur chu a huam lovang.
He thupek zawmlo te chu U/S 188 of IPC hmangin hrem an ni ang. He thupek hian thu leh awm hma chuan chhuah a nih atangin thla 2 (hnih) chhung a huam ang.
