No.1747/2021-2022
Mamit 9th August, 2021 : Mizoram Sawrkar Disaster Management & Rehabilitation Department inkaihhruaina vide order No.B.13021/101/2020- DMR/Vol-V Dt.07.08.2021-in a sawi angin ni 08.08.2021 atanga ni 14.08.2021 zanlai dar 12:00 thleng hian Mizoram-ah COVID-19 hripui laka kan him theihna turin Mizoram Sorkarin inkaihhruaina a siam te kalpui chhunzawm a ni dawn a, heng a hnuaia inkaihhruaina tarlante hi Mamit District mipuite'n kan zawm ngei ngei tur a ni. He thupek hian a hmalama Mamit District chhunga COVID-19 chungchanga inkaihhruaina thupek awmsate chu a luahlan (supersede) nghal ang.
A. VACCINATION
Mipui vantlang kan lo him zawk nan COVID-19 vaccine la la lo zawng zawngte chu Sawrkar-in a thlawna vaccine lakna a ruatah te a hma thei ang bera vaccine la tura ngen leh beisei an ni.
B. MAMIT DISTRICT CHHUNGA INKAIHHRUAINA ZAWM TURTE
1. State dang atanga Mamit District lo lut turte chu mPass-ah an in-register ngei ngei tur a ni a, Sorkar-in Entry point a siam atang chauhin
an lo lut tur a ni.
2. Chhiat tawh, damloh leh tul bik thila zin veivah tul tan an awmna VLTF te hriatpuina lehkha kengin an zin veivak thei ang. Hetiang hriatpuina lehkha neite zin nan hian mimal lirthei leh Mizoram chhung khaw kar kawnga passenger phur lirthei (commercial passenger
vehicle) te hman phal a ni.
3. Sorkar hna (Official Duty)-a sorkar hnathawk zin veivak tur te'n VLTF te phalna lak a ngai lo vang. Amaherawhchu, an identity card leh transfer order/detailment order, Police/COVID-19 Executive/ VLTF te enfiah turin an keng ngei tur a ni.
4. Lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh te'n mask/hmai tuamna an vuah vek tur a ni. Passenger-te hman tur hand sanitizer an pai reng tur a ni.
5. Hemi hunchhung hian eizawnna leh tul bik thil ni lova veivah leh inlenpawh khap tlat a ni. Office kai tur leh phalna neite bak chu tumahin mahni in/compound an chhuahsan tur a ni lova, building khata in hrang hrang luahte pawh intlawhpawh loh tur a ni.
6. Tul bik thila pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni. COVID-19 hrileng tamna veng/khua- ah veivah tulna a awm chuan, a theih chen chenah chhungkaw member zinga COVID-19 vaccine la tawhte chauh zel chhuahvah tur a ni.
7. Vantlang hmuna kalte chu feet 6 tala inhlat a awm tur a ni.
8. Eizawnna leh hmasawnna hnathawh chungchangah CAB uluk taka zawm chungin kalpui tur a ni.
9. He inkhuahkhirhna thupek kalpui chungchangah hian VLTF te chuan an khua/veng chhung theuhah COVID-19 do nana an hmalaknate an chhunzawm zel ang.
10. Hemi hunchhung hian lirthei a veivah khap tlat a ni. Amaherawhchu,
hei hian Annexure-I a activities/hnathawh phal tarlan te leh a hmuna thawkte chetvelna lirthei a huam lo ang.
C. QUARANTINE LEH ISOLATION CHUNGCHANG:
Quarantine leh isolation chungchang chu H&FW Department-in inkaihhruaina an siam anga kalpui tur a ni.
D. BUNGRAW CHAWKLUH LEH THIAR CHUNGCHANG
1) State pawn atanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19-ah an in-register vek tur a ni.
2) Bungraw lakluh phurtute (driver leh handyman) hi entry point-ah uluk taka screening neih chhunzawm zel tur a ni ang a. Tin, bungraw phur motor-ah reng reng hian midang (passenger) an chuang tur a ni lo.
3) State pawn atanga bungraw lakluh phurtute (driver leh handyman) te chu an kalphung pangngai angin khaw dâiah anmahniin eirawng an inbawl chawp ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te atanga feet ruk (6) tala hla-ah an awm tur a ni.
4) State pawn atanga bungraw lak luh phurtute (driver leh handyman) te chu backload lak tur zawngin Mizoram hmun dangah an kal kual tur a ni lo.
5) Bungrua lalut tur reng rengin bungraw thlen hmain an veng/khua VLTF-te hnenah an hriattir zel tur a ni a. VLTF-te hian a tul angin ruahmanna an siam thin ang.
6) Mamit District chhungah Mizoram-a bungraw awmsa emaw siamchhuah/ tharte thiar chungchangah inkhuahkhirhna a awm lovang.
7) Public Distribution System (PDS) hnuaia ration dawr/retailer-a pek chhuah tur buhfai, chini leh khawnvartui phur motor te chu FCS&CA Department in Delivery Order/Despatch Challan a pek chhuah, la nung mek an ken chuan phalna hranpa ngai lovin Mizoram chhungah bungrua an thiar thei ang.
8) A chunga tarlan driver leh handyman-te
laka harsatna an tawh thulhah State Control Room (Toll free 1070, landline 0389-2342520, mobile 7628072785 and whatsapp
9366331931) leh COVID-19 (Medical) helpline number (Tollfree 102, landline 0389- 2323336, 0389-2322336 leh 0389-2318336)-ah
telephone-in an harsatnate an thlen thei ang. Heng number te hi motor lo lut driver leh handyman te'n awlsam taka an hmuh mai theih turin Screening Point-ah langsar deuha tar tur a ni.
E. PHALNA NENA KALPUI TUR THILA INKHUAHKHIRHNA TE
Inkhuahkhirh hun chhung atan hian Mamit District chu hmun (category) hnih ah then a ni a. Chung te chu 1) District Headquarters leh 2) khaw dang zawngte (others) an ni ang a. Heng hmuna hna leh hmalakna (activities) kalpui phal te chu Annexure-ll-ah tarlan a ni a. Phalna neia kalpuiah hian heng te hi zawm ngei tur a ni:
1. Dawr nghaktu leh hnathawktute chuan face mask in hmai an tuam ngei ngei tur a ni a, an dawr/hnathawhna hmunah hand sanitizer an chhawp bawk tur a ni.
2) Thlai/chawhmeh bazar kalte thawl tak leh midang nena inhnaih lova an bazar theih nan chawhmeh zuartute thutna inkarah feet 6 tal hmun awl an zuah zel tur a ni.
3) Annexure-II a Office/dawr/sumdawnna, adt. hawn phal te hian
an inhawn theih hun chhung bituk te hi tha takin an zawm tur a ni.
4) Commercial passernger vehicle (bus, taxi, maxicab etc.) te chuan
an motor-ah hand sanitizer an pai reng tur a ni a, Driver leh passenger te'n face mask an vuah ngei bawk tur a ni. Seating capacity aia tam chuan phal a ni lo.
F. SAWRKAR OFFICE
Mamit District chhunga Mizoram Sawrkar hnuaia office te chu Annexure-II a tarlan angin an kal ang.
G. COVID APPROPRIATE BEHAVIOUR (CAB):
Covid-19 hri laka kan himna tur atan mitin hian tih tur pawimawh tak kan nei theuh a. Chung tih tur leh zawm tur CAB te chu Annexure-l -ah tarlan a ni a, mitinin zawm theuh tur a ni.
H.VENG/KHAW BIL INKHUAHKHRHNA
1) He order/inkaihhruaina-in a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin VLTF te'n Deputy Commissioner hnenah rawtna an siam thei ang.
2) VLTF te'n he Order-ina inkhuahkhirhna a siam bak pelin anmahni thuin veng khaw bil inkhuahkhirhna hranpa curfew/lockdown/Containment Area/ Restricted Area an puang tur a ni lo.
3) Kawngpuiin a paltlang khuate'n an khaw kaltlanga khaw danga kal tur zin
veivakte leh an lirthei an dang tur a ni lo.
