No.3217/2021-2022
Aizawl 30th November, 2021 : Tunhnaiah Reiek khuaah Covid-19 hri kai thar engemawzat hmuhchhuah niin heng mite hi an hri kaina chhui fel mai theih a ni lova. Chuvangin, Reiek khaw chhungah Covid-19 hri darh zel tur ven nan leh he hrileng laka mipuite an lo him zawk theih nan thupek chhuah tula hriat a nih avangin Pu H. Lalramliana, Sub- Divisional Magistrate, W. Phaileng Sub- Division, W. Phaileng chuan vawiin Ni 30th November, 2021 hian Cr. PC Sec - 144 -in thuneihna a pek angin a hnuaia mi ang hian khapna thupek a chhuah a ni.

Reiek khaw chhungah zan dar 6:00 atanga zing dar 4:00 inkarah pawn chhuah khap tlat a ni.

He thupek hian a hnuaia mite hi a huam lo ang.

1. VLTF Member duty lai.
2. Armed forces, Police, Home Guard te leh Sorkar hnathawk, duty pawimawh bikte.
3. Health Department leh hemi kaihhnawiha thawktu, ID Card neia kal te leh emergency duty te leh damdawi dawr nghaktute.
4. Chanchinbu mi leh Electronic Media a thawkte.
5. Fire & Emergency service, P&E leh PHE Deptt. hnuaia emergency duty te.
6. Medical emergency/ damlohna thil leh chhiat tawkte - VLTF phalna neite.
7. Essential Commodities phur leh phalna neite.
8. Disaster Management buaipuitu Officials te.
9. Telecom service a thawktute.
10. AH&Vety Deptt-a vawk hrileng buaipuitute.
11. Magistrate te'n phalna an pekte.
12. Reiek RD Block huam chhunga Gram Panchayat Development Plan (GPDP) leh Village Poverty Reduction Plan (VPRP) buaipuitute.

Reiek chhehvel khua pan turte tan kawngpuiah ding khawmuang lova lirthei tlan tlang phal a ni.

He thupek bawhchhiate chu Section 188 IPC hmangin hrem an ni ang. He thupek hian chhuah a nih atanga kar 2 (hnih) chhung a huam ang.