No.3216/2021-2022


Aizawl the 30th November, 2021 :Mizoram State Disaster Management Authority-in COVID-19 darh zel tur vênna atâna hman tur COVID-19 inkaihhruaina a lo chhuah chu ni 30.11.2021 zanlaiah a lo tâwp dâwn ta a. COVID-19 hripui laka kan him theih nan COVID-19 Appropriate Behaviour (CAB) ṭha taka zawm chungin inkaihhruaina kan hman mek chu tlem tidanglamin kalpui chhunzawm ṭha a ti a. Dr. Renu Sharma,  Chairman, State Executive Committee chuan Disaster Management Act, 2005 hnuaia Section 22(2)(h) & 24 (l)-in thuneihna a pêk angin ni 01.12.2021 aṭanga ni 15.01.2022 zanlai dar 12:00 thlenga AMC Area leh Mizoram chhung hmun danga hman tur COVID-19 inkaihhruaina Order a ti chhuak.

Mizoram chhunga COVID-19 darh dan leh mipui zinga hri kai thar awm dan thlirin inkaihhruaina kalpui mek leh hri kaite enkawl kawnga hma lakna chhunzawm zel hi Mizoram State Disaster Management Authority chuan ṭul a la ti a. A bik takin tun hnaia Covid variant thar ‘Omicron’ WHO-in a puan thar tak chu uluk taka lo inven a tul avangin he inkaihhruaina thar hi tihchhuah a ni.

 

Mizoram State Disaster Management Authority-in COVID-19 darh zel tur vênna atâna hman tur COVID-19 inkaihhruaina a lo chhuah chu ni 30.11.2021 zanlaiah a lo tâwp dâwn ta a;

     Mizoram chhunga COVID-19 darh dan leh mipui zinga hri kai thar awm dan thlirin inkaihhruaina kalpui mek leh hri kaite enkawl kawnga hma lakna chhunzawm zel hi Mizoram State Disaster Management Authority chuan ṭul a la ti a. A bik takin tun hnaia Covid variant thar ‘Omicron’ WHO-in a puan thar tak chu uluk taka lo inven a tul a ni. Chuvangin, COVID-19 hripui laka kan him theih nan COVID-19 Appropriate Behaviour (CAB) ṭha taka zawm chungin inkaihhruaina kan hman mek chu tlem tidanglamin kalpui chhunzawm ṭha a ti a;

Chuvangin, kei Dr. Renu Sharma-i hian Chairman, State Executive Committee ka nihna ang leh Disaster Management Act, 2005 hnuaia Section 22(2)(h) & 24 (l)-in thuneihna min pêk angin a hnuai ami ang hian ni 01.12.2021 aṭanga ni 15.01.2022 zanlai dar 12:00 thlenga AMC Area leh Mizoram chhung hmun danga hman tur COVID-19 inkaihhruaina Orders ka chhuah e:

 

A. AMC AREA CHHUNGA INKAIHHRUAINA

1. Hemi hun chhúng hian loh theih loh thilah lo chuan pawn chhuah leh inlenpawh loh tur a ni. Building khata in hrang hrang luahte pawh intlawhpawh loh tur a ni.

2. Hemi hun chhunga inkaihhruaina chu a hnuaia tarlan ang hian kalpui tur a ni.

Sl. No.

Activities

Kalpui dan tur

1

1. Zirna In

Class X leh XII board exam turte chu School Education Department thuchhuak angin CAB ṭha taka zawm chungin school leh hostel hawn phal a ni. Hemi atana hman tur SOP chu School Education Department-in a ruahman ang.

2. Training Institutes

A hmuna leng zat chanve (50% seating capacity) luah khatin hawn phal a ni.

2

Board Exam, recruitment exam, adt.

CAB uluk taka zawm chungin neih phal a ni.

Sl. No.

Activities

Kalpui dan tur

3

Sakhaw Biak In 

leh Inkhawm

1. CAB khauh taka zawm chungin chhun leh zanah Biak In-a leng zat chanve (50% seating capacity) aia tam lovin Kohhran Inkhawm pangngai neih phal a ni a, zing leh tlai ţawngţai inkhawm pawh phal a ni.  

2. Kohhran Inkhawmpui chhun lamah neih phal a ni. 

a) Inkhawmpui neihna hmun Biak In-a leng zat chanve (50% seating capcity) tel phal a ni.

b) COVID-19 symptoms neite chu Inkhawmpui-ah hian tel loh tur a ni.

c) CAB khauh taka kenkawh leh zawm tur a ni. A thlengtu kohhran-in LLTF te phungbawma sawmin CAB/ SOP Implementation Committee an din ang.

d) Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.

e) Tlai lam ruai buatsaih loh tur a ni.

4

Inneih inkhawm leh Mitthi Vuina

Phal a ni.

Inkhawm neihna hmun-a leng zat chanve (50% seating capacity) emaw mi 50 aia tam lo (a tlem zawk zawk). 

Ei leh in sem phal a ni lo.

5

1.  Picnic spot

Hawn phal a ni.

CAB uluk taka zawm chungin hawn phal a ni. Amaherawhchu, ṭum khatah mi 50 aia tam punkhawm phal a ni lo.

2. Movie Theatre

A hmuna leng zat chanve (50% seating capacity) aia tam lovin hawn phal a ni.

6

Public park leh Sahuan (Zoo)

CAB uluk taka zawm chungin hawn phal a ni.

Sl. No.

Activities

Kalpui dan tur

7

Sports practice (indoor & outdoor)

Phal a ni. Indoor-ah mi 20 aia tam lo leh outdoor-ah mi 50 aia tam lo.

Sports practice-ah COVID-19 symptom neite an tel tur a ni lo.

8

Zing/Tlai walking leh cycling exercise

Phal a ni.

9

Sports inelna, tournament, adt. (indoor & outdoor)

Entu awm lovin phal a ni.

Event neihna hmuna leng zat chanve (50% capacity) emaw mi 50 aia tam lo (a tlem zawk zawk) ṭum khata punkhawm phal a ni.

 

 

10

 

 

Gym

Phal a ni. 

A hnuaia inkaihhruaina hi khauh takin an zawm tur a ni.

a) Gym equipment te hi midangin an hman dawn apiangin an sanitize zel tur a ni.

b) Gym capacity 50% aia tam ṭum khata workout loh tur a ni.

 

 

c) Mahni towel, bottle, shaker leh mamawh thil dangte mahni-a inken tur a ni.

d) Social distancing zawm tur a ni.

11

Mipui punkhawm-anniversary, birthday, adt.

Punkhawmna tur veng LLTF te remtihna nei tan phal a ni.

Punkhawmna hmuna leng zat chanve (50% seating capacity) emaw mi 50 aia tam lo (a tlem zawk zawk).

Ruai buatsaih phal a ni lo.

12

A huhova pawn chhuah (Lui kal, trekking, hiking, adventure sports, adt.)

CAB uluk taka zawm chungin phal a ni.

13

Construction works (mimal, leh sawrkar hnathawh)

CAB uluk taka zawm chungin hawn phal a ni.

14

MGNREGA, MPLAD, MLALAD, SIPMIU, Smart City

CAB uluk taka zawm chungin hawn phal a ni.

15

Quarry, kawng laih, lei dawh, adt.

Phal a ni.

Sl. No.

Activities

Kalpui dan tur

16

Huan, lo, sangha dil, ran vulh, adt.

Phal a ni.

17

Hospital, nursing home, clinic, laboratory, Blood donation leh blood bank

Phal a ni.

18

Child and women helpline service, OST center, OSC, ART centre

Phal a ni.

19

Nau pai, nausen pawmlai leh naupang te hnena nutrition (chaw ṭha) sem bakah nutrition sem tur godown aṭanga phurh chhuah leh sem darh

Phal a ni.

20

COVID-19 vaccination leh immunization programme dangte, ambulance service

Phal a ni.

21

Animal disease control programme, Veterinary hospital, dispensary, clinic, AI, Zoo, hatchery, Feed mill/Ran chaw leh Slaughter House

Phal a ni.

22

Bank, Non-banking financial institutions, insurance, ATM, post office leh postal services

Phal a ni. 

23

Petrol/Diesel filling station leh LPG distribution/ godown

Phal a ni.

24

Dawr bungrua leh zawrh thil dahkhawmna/godown

Phal a ni.

25

1. FCS&CA Department/FCI hnuaia godown

Phal a ni.

2. Fair Price Shop (ration dawr)

FPS (ration dawr) te chu LLTF ten ruahmanna an siam angin hawn a ni ang.

26

Bawnghnute sem leh lakkhawm,  chanchinbu sem

Phal a ni.

27

Private security service

Phal a ni.

28

Print & electronic media, telecommunication, internet service, broadcasting leh cable service

Phal a ni.

Sl. No.

Activities

Kalpui dan tur

29

Sanitation & solid waste management (hmunphiat leh bawlhhlawh paih te huamin), septic tank service (ek paih)

Phal a ni.

30

PWD, P&E leh PHE hnuaia operation & maintenance hna leh mimal tui chawite

Phal a ni.

31

Bungraw load leh unload hna  

Phal a ni.

Zan Curfew hun chhung chuan DC-in ruahmanna a siam angin.

32

Kawng laka lirthei chhia siamtute.

(Hei hian automobile dealer leh workshop hnathawkte a huam ang).

Phal a ni.

33

Courier service,    e-commerce leh home delivery. State pawn leh State chhunga dawrkai leh sumdawngte bungrua, State chhunga thar/siam chhuah tiamin, online emaw phone hmanga order lawk sa te pek (home delivery) leh e-commerce

Phal a ni.

Dawr leh sumdawnna te hi a tam thei ang ber online service leh home delivery kalpui tura beisei an ni.

34

Ina thil siam (home based industry) -carpentry, steel fabrication, bakery, puan thui, puan tahna, adt.

Phal a ni.                        

35

Damdawi Dawr

Hawn phal a ni.

36

Hawkers stall

Hawn phal a ni.

37

Thlai chi/ thlai ṭiak leh Agriculture/ Horticulture kaihhnawih bungraw zawrhna

Hawn phal a ni.

38

Tourist Lodge, Hotel, Homestay leh khualbuk dangte

Hawn phal a ni.

39

Restaurants

Hawn phal a ni.

A hmuna leng zat chanve (50% seating capacity) chin phal a ni.

Sl. No.

Activities

Kalpui dan tur

40

Eichawp dawr

Hawn phal a ni.

41

Bazar leh Dawr 

Hawn phal a ni.

42

Mizoram Sawrkar Office-te

A pangngaia kal tur a ni.

43

Office dangte

1. Mizoram Legislative Assembly Secretariat chuan an kal dan tur an ruahman ang.

2. Central Sawrkar office te chu a pangngaiin an kal ang.

44

Court leh Judiciary

Gauhati High Court (Aizawl Bench) leh a hnuaia Court te chu High Court-in ruahmanna a siam angin an kal ang.

45

Kohhran/sakhaw hrang hrang office

A pangngaiin an kal thei ang.

46

Private company/ office - consultancy services, adt.

A pangngaiin an kal thei ang.

47

Lirthei tlân dan

Aizawl khawpuia intlanchhawk ṭhin dan pangngai a hnuaia tarlan ang hian kal tur a ni ang a, SP (Traffic)-in Order a chhuah ang.

1. Public Transport Vehicle (City Bus, Taxi, 2-wheeler taxi leh adt.) leh Bungraw phur motor te chu a ngai angin an tlan ang. 

2. Sawrkar leh Mimal lirthei (two wheeler telin) tlan dan tur chu hetiang hi a ni ang:

3. Thawhṭanni: 1&2-a tawp tlan phal loh.

4. Thawhlehni: 3&4-a tawp tlan phal loh.

5. Nilaini: 5&6-a tawp tlan phal loh.

6. Ningani: 7&8-a tawp tlan phal loh.

7. Zirtawpni: 9&10-a tawp tlan phal loh.

8. Inrinni, Pathianni leh public holiday-ah chuan lirthei zawng zawng tlan phal vek a ni.







3. State Level Expert Team on COVID-19 Management (SLETOCOM) recommendation

State Level Expert Team on COVID-19 Management (SLETOCOM) chuan a hnuaia tarlan ang hian recommendation a siam:

 

1) WHO Warning level 4 kan la ni: World Health Organisation (WHO) in
 Transmission Thresholds (Hri kaihdarh tam lam tehfung) a siam level hrang hrang – Level 1(low risk), Level 2 (medium risk), Level 3 (High Risk) leh Level 4 (Extreme risk) ah pawh Mizoram chu Level 4-ah kan awm a, District mal te tea teh pawhin level 4-ah vek kan la awm a ni. 

2) Level 4 (Extreme Risk) kan nihna te:

WHO Tehfung - Warning Level 4 

Mizoram pum Dinhmun (Nov ni 24 2021)

Kar khat chhunga mipui maktaduai khat zel a positive awm zat

Case 500 emaw a aia tam

2,221

 

Kar tina za zela case pun dan

100% emaw a aia sang 

21% in a kiam

 

Kar tina lâka Test Positivity Rate

5% emaw a aia sang 

15%

 

Heng tehfung 3 zinga pakhat chauh pawh kan dinhmunin a pelh chuan, Warning Level 4, Extreme Risk dinhmunah kan la ding a ni. Hei hian Mizoramah COVID 19 hri a la hluar hle tih a entir.

 

 

3. Tuna kan dinhmunah hian Pathian biak inkhawm, Kohhran Programme dang leh puipunna rêng rêngah–

(a) hmunhma zawh tâwk zâtve (50% of Seat capacity) pêla mipui pun khawm a la him rih lo;

(b)   ei leh in sem leh ruai ṭheh mup mup a la him rih lo va, buatsaih loh ni thei se.

(c)    hmai tuam ṭhat hle tur a ni;

(d)   kut tihthianghlimna hman uluk reng tur a ni;

(e)    Mask vuah lova thusawi leh zai a him lo a. Ṭang taka kan ṭawng emaw kan zai hian aerosol (chilper sîn tak, boruaka chambâng rei si) kan phuh chhuak a. Kha aerosol kha hma zâwn Feet 4 zên zâwn (1.3 metres) thleng kan phuh chhuak thei a. Ṭha taka mask kan hren chuan hma lama aerosol chhuak tur chu kamsir/biang lamah emaw lu lamahte mask chuan a lo dang per a, a lêng thui lo bawk a ni. Kan lo positive a nih pawhin, mask tlanglâwn (surgical mask) chauh pawh uluk taka kan hrên chuan kan chil per aṭanga midang kan va kaichhawng tur hi 86% laiin a veng a ni. Chuvangin mi dang hnaiha thusawi lai leh zâi laiin uluk taka surgical mask tal vuah ṭhin tur a ni. 

 

A chunga inkhuahkhirhna (restrictions)-te hi Clause A.2 (3), (4) & (11) leh Clause B.3-a inkhuahkhihrhna hman lai bakah uluk taka zawm tur a ni.

 

4. Mizoramah Kristiante hunpui – Krismas 2021 leh Kumthar, 2022 kan hmannaah hian COVDI-19 hripui a darh loh nan theihtawpa ṭan lâk lehzual a ngai a. Heng hunpui boruakah hian Distrct Magistrate leh Superintendent of Police te kaihhruaina hnuaiah veng tin LLTF-te ṭhahnemngai taka duty-a mipui punkhawnmna hmun hrang hrangah leh bazaar thlengin Covid Approproate Behaviour (CAB) ṭha taka an zawm theih nana hma lo la tura ngen an ni. A hlawma hri kai hmuhchhuahna hmunah te chuan hri darh tur venna kawngah chak taka hmalak zui nghal thin tur a ni.  

 

B. AMC AREA PAWN INKAIHHRUAINA

1. Mizoram hmun dangah chuan Deputy Commissioner (DC) ten an District chhunga COVID-19 hri len dan dinhmun azirin inkaihhruaina an siam ang.

2. Zirna in hawn chungchang

Deputy Commissioner (DC)-in District level-a H&FW Department/School Education Department/ H&TE Department/ Social Welfare Department (WCD) hotute leh VLTF te berawnin zirna in (educational institutions) an hawng thei ang a, a concerned Department ten inkaihhruaina (SOP) an siam angin an kal ang.

3. Sakhaw Biak In-a inkhawm leh Inkhawmpui chungchang

1) CAB khauh taka zawm chungin chhun leh zanah Biak In-a leng zat chanve (50% seating capacity) aia tam lovin Kohhran Inkhawm pangngai neih phal a ni a, zing leh tlai ţawngţai inkhawm pawh phal a ni. 

2) Kohhran Inkhawmpui chhun lamah neih phal a ni. 

a) Inkhawmpui neihna hmun Biak In-a leng zat chanve (50% seating capcity) tel phal a ni.

b) COVID-19 symptoms neite chu Inkhawmpui-ah hian tel loh tur a ni.

c) CAB khauh taka kenkawh leh zawm tur a ni. A thlengtu kohhran-in LLTF te phungbawma sawmin CAB/ SOP Implementation Committee an din ang.

d) Inkhawmpui-ah hian natna benvawn nei leh kum upa hriselna chak tawh lote a theih chin chinah awl ni se.

e) Tlai lam ruai buatsaih loh tur a ni.

 

4. Mizoramah Kristiante hunpui – Krismas 2021 leh Kumthar, 2022 kan hmannaah hian COVDI-19 hripui a darh loh nan theihtawpa ṭan lâk lehzual a ngai a. Heng hunpui boruakah hian District Magistrate leh Superintendent of Police te kaihhruaina hnuaiah khaw/ veng tin VLTF-te ṭhahnemngai taka duty-a mipui punkhawnmna hmun hrang hrangah leh bazaar thlengin Covid Approproate Behaviour (CAB) ṭha taka an zawm theih nana hma lo la tura ngen an ni.

 

C. MIZORAM PUMA HMAN TUR INKHUAHKHIRHNA DANGTE

 

1. Vaccination

Mipui vantlang kan lo him zawk nan COVID-19 vaccine la la lo zawng zawngte chu Sawrkar-in a thlawna vaccine lakna a ruatah te a hma thei ang bera vaccine la tura ngen leh beisei an ni. Deputy Commissioner ten an District theuhvah mipui ten vaccine dose hnih an lak ngei theihna turin theihtawpin hma an la ang.

2. Zin veivah chungchang

a) Zin veivah chungchanga inkaihhruaina leh airport-a screening chungchanga zawm tur Ministry of Health & Family Welfare-in ni 27.11.2021-a a chhuah chu airport thuneitu ten tha takin an zawm tur a ni. 

b) Ṭul bikah chuan zin veivah phal a ni. Zin veivah nan hian mimal lirthei leh passenger phur lirthei (commercial passenger vehicle) te hman phal a ni.

c) Lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh ten mask/ hmai tuamna an vuah vek tur a ni. Passenger-te hman tur hand sanitizer an pai reng tur a ni.

3. Veng/Khaw Bil Inkhuahkhirhna

a) He order/inkaihhruaina-in a huam baka veng/khaw bil bik tana inkhuahkhirhna khauh zawk neih tul tihna a awm chuan, a chhan leh vang chiang taka ziakin LLTF/VLTF ten an awmna District Deputy Commissioner hnenah rawtna an siam thei ang.

b) LLTF/VLTF ten he Order-ina inkhuahkhirhna a siam bak pelin anmahni thuin veng/ khaw bil inkhuahkhirhna hranpa curfew/ lockdown/ Containment Area/ Restricted Area an puang tur a ni lo.

c) Kawngpuiin a paltlang khua/veng ten an khaw/veng kaltlanga khaw/veng danga kal tur zin veivak te leh an lirthei an dang tur a ni lo.

4. Bungraw Chawkluh Leh State chhunga Thiar Chungchang

a) State pawn aṭanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19-ah an in-register vek tur a ni.

b) Bungraw lak luh phurtute (driver leh handyman) hi entry point-ah uluk takin screening kalpui chhunzawm a ni ang. Bungraw phur motor-ah reng reng hian midang (passenger) an chuang tur a ni lo.

c) State pawn aṭanga bungraw lak luh phurtu (driver leh handyman) te chu an kalphung pangngai angin khaw dâiah anmahniin eirawng an inbawl ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te aṭanga feet ruk (6) tala hla-ah an awm tur a ni.

d) State pawn aṭanga bungraw lak luh phurtu (driver leh handyman) te chu     backload lak tur zawngin Mizoram hmun dangah an kal kual tur a ni lo.

e) AMC Area pawnah chuan Mizoram-a bungraw awmsa emaw siam  chhuah/tharte thiar chungchangah inkhuahkhirhna a awm lovang.

f) Public Distribution System (PDS) hnuaia ration dawr/retailer-a pek   chhuah tur buhfai, chini leh khawnvartui phur motor te chu FCS&CA Department in Delivery Order/Despatch Challan a pek chhuah, la nung mek an ken chuan phalna hranpa ngai lovin Mizoram chhungah bungrua an thiar thei ang.

g) A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2342520, mobile 7628072785 leh whatsapp 9366331931) leh COVID-19 (Medical) helpline number (Toll free 102, landline 0389-2323336, 0389- 2322336 leh 0389-2318336)-ah telephone-in an harsatnate an thlen thei ang.

5. Covid-19 hri laka kan himna tur atan mitin hian tih tur pawimawh tak kan nei ṭheuh va. Chung tih tur leh zawm tur COVID Appropriate Behaviour (CAB) te chu Annexure-I ah tarlan a ni a, mitinin zawm ṭheuh tur a ni.

6. District Magistrate ten zan curfew (9:00 PM to 4:00 AM) an puang ang a, CrPC Section 144 hmangin Order an chhuah ang.

7. Mizorama lo luh, quarantine, adt. chungchanga inkaihhruaina chu Annexure-II-a tarlan bakah Health & Family Welfare Department-in thuchhuah thar an siam angin kalpui tur a ni ang.

8. State Level Expert Team on COVID-19 Management-in a rawt angin mipui nghawng tam lo thei ang berin Deputy Commissioner ten an District chhungah Micro Containment Zone emaw inkhuahkhirhna dang a ṭul dan azirin colony/ building/ apartment chauh huamin an puang thei ang a, Micro Containment Zone emaw inkhuahkhirhna dang emaw puanah te chuan Deputy Commissioner-in thupek a siamte khauh taka zawm tur a ni.

9. He thupek zawm lote chu Disaster Management Act, 2005, Section 51 aṭanga 60 leh the Mizoram (Containment & Prevention of the spread of COVID-19) Act, 2020 leh IPC Section 188 hmangin hrem theih an ni. 

Annexure-I


COVID APPROPRIATE BEHAVIOUR (CAB) 

 

   COVID-19 laka him tlanna tura kan zawm tur nunphung tha te:  

1. Intawk kher lovin in chibai thin tawh ila. 

2. Khawiah pawh inhnaihchilh lova feet 6 tal inkarhlat a awm zel ni se. 

3. Hmaituamna hmanga hmui-hmai tuam reng ni se. 

4. Mit, Hnar leh Ka te khawih loh tur a ni. 

5. Respiratory Hygiene vawng la – Khuh leh hahchhiau in hmai hup/tuam rawh. 

6. A khat tawkin sahbawn nen fai taka kut sil fo tur a ni. 

7. Khawih fo thin hmunhmate tih thianghlim fo thin tur a ni. 

8. Chil chhak/pik mai mai loh tur a ni. 

9. Tul tak lovah zin/veivah pumpelh rawh. 

10. Mi tute mah thlei hrang lo la, Covid-19 vei te thinhrik suh. 

11. Mipui punkhawmna pumpelh la, hri lakah him rawh. 

12. Social media-a thu veivak nazawng, a dik tih fiah lovin thehdarh ve ngawt suh. 

13. Covid-19 lam hawi thu Sawrkara mawhphurtute hnen atanga chhuak ani em tih ngaichang hmasa thin rawh. 

14. Hriat duh leh mamawh reng reng chu National Help Line 1075-ah emaw State Helpline 1070-ah emaw Health Department Helpline 102-ah zawtfiah thin ang che. 

15. Hripui leng vanga rilru thlabar/phili/chiai te tan rilru lama mithiam rawn ang che.

   

ANNEXURE-II

MIZORAM PUMA HMAN TUR INKHUAHKHIRHNA DANGTE

 

Mizorama lo lut te chungchang

1. India ram pawn leh India ram hmun dang aṭanga Mizoram-a lo lut reng reng chu H&FW Department inkaihhruaina siam angin Mizoram an lo luhna (Point of entry)-ah uluk taka screening tih tur a ni a, a ṭul dan azirin Rapid Antigen Test (RAgT) hmanga endik an ni ang. Entry point-a screening, testing leh quarantine fel taka ruahman a nih theih nan mCOVID-19 mobile application mPASS-flight emaw mPASS-road hmangin an in-register lawk tur a ni. RAgT positive te chu enkawl dan tur dinglai (Protocol) angin enkawl zui tur an ni. Hetiang hian Mizoram aṭanga zin chhuak, lo haw leh te pawh endik vek tur an ni ang. Home quarantine leh Hotel quarantine dil duh tan online-in https://mcovid19.mizoram.gov.in-ah a dil theih tawh bawk.

 

2. State pawn aṭanga thlawhna emaw lirthei emawa lo lutte hian VLTF/LLTF te hriatpuina lehkha lak kher a ngai lo vang. Mizoram an luhna atana mPass-a an in register-na chu an thlenna tur (destination) thlen nan pass angin an hmang thei ang a, hmun dang kalkual/tlawhkual nan mPass chu hman phal a ni lo. Amaherawhchu, an thlen hma-in an veng/khua LLTF/VLTF te an hriattir lawk ang.

 

1. Quarantine & isolation etc.

Entry point, testing leh quarantine chungchanga inkaihhruaina Ministry of Health & Family Welfare, Government of India-in a siam ang zulzuia Mizoram Sawrkar Health & Family Welfare Department-in inkaihhruaina a siam chu zawm tur a ni.

 

2. Lirthei hman dan tur

Lengpui Airport atanga zinchhuak leh lo lutte chuan mimal lirthei bakah commercial passenger vehicle dangte an hmang thei ang. Motor uluk taka tihthianghlim (sanitize) thin tur a ni a, driver leh passenger ten uluk takin lirthei chhungah face mask an vuah reng tur a ni. Kalkawngah midang nena in-contact tura din khawmuan loh tur a ni. Tin, motor hmanga Mizoram lo lut te leh Aizawl pela district danga kal turte chu an motor hmanlai hmangin an kalna tur hmun an pan nghal tur a ni.