DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/mp-ls-in-union-home-minister-pu-amit-shah-a-hmup

MP (LS) in Union Home Minister Pu Amit Shah a hmu

No.3215/2021-2022

Aizawl the 30th November, 2021 : MP (LS) Pu C.Lalrosanga chuan vawiin khan Union Home Minister Pu Amit Shah chu Parliament House a office-ah hmuin Mizoram mamawh ṭhenkhat a sawipui.

MP (LS) Pu C. Lalrosanga chuan Aizawl aṭanga Zokhawsanga Assam Rifles sawnchhuah chungchangah hma thar la turin a ngen a. Assam Rifles sawnchhuahna tur hmunhmate buatsaih a nih tawh avangin Aizawl khawpui tihthawl nan an insawnchhuah a ngai a ni tiin Union Home Minister a hrilh. Pu C. Lalrosanga chuan Myanmar aṭanga raltlante chhawmdawlna kawnga sawrkar laipui ṭanpuina Pu Amit Shah chu a ngen a. Covid-19 dona leh a hrikaite enkawlna lama ṭanpuina Mizoramin a mamawh belh thu a hrilh bawk. Mizoram tana central armed police force batallion din turin Union Home Minister chu a ngen bawk a ni.

Attachment