1105//2023-2024
Mamit 11th July, 2023 : Sairang - Tuipuibari kawnga Lei (Bailey Bridge) pathum te chu a lo hlui tawh deuh avang leh siamthat anih dawn avangin Lirthei rit phur te'n an zawh chin bithliah tula hriat anih avangin Pi Lalthangpuii Pulamte, Superintendent of Police, Mamit District chuan Motor Vehicle Act, 1988 (Act 59 of 1988) Section 115 leh Mizoram Sawrkar Notification No.B.12021/10/2004-TRP Dt. 01.06.2020- in thuneihna a pek angin Sairang - Tuipuibari kawng a Lei (Bailey Bridge) pathum 1) Dampa Lei (121.73 KM) 2) Damparengpui Lei (121.27 KM) leh 3) Ansuri Lei (156.12 KM) te chu Lirthei rit phur 24 MT aia rit tan zawh khapna thupek a chhuah a. Hemi atan hian a tul angin 74 RCC (GREF) te an duty ang.
He thupek hian thupek chhuah ni atanga thla khat chhung a huam anga. Mipuite kan him tlan zawkna tur anih avangin thupek zawm theuh turin kan inngen a. Thupek zawmlote chu u/s 179 MV Act hmanga hrem theih an ni ang.
